(vovworld) - ວັນ​ທີ 06/05, ຢູ່​ສານ​ລັດຖະທຳ​ມະນູນ​ໄທ, ທ່ານ​ນາງ​ນາຍົກລັດຖະມົນຕີຊົ່ວຄາວ ຍິງຣັກ ຊິນນະ​ວັດ ​ໄດ້​ປະຕິ​ເສດ​ຄຳ​ກ່າວ​ຫາ​ສວຍ​ໃຊ້​ສິດ​ອຳນາດ​ໃນ​ການ​ປົດ​ຕຳ​ແໜ່​ງ​ບຸກຄະລາ​ກອນ. ກ່າວ​ຄຳ​ເຫັນ​ແກ້ຄວາມຢູ່​ສານ, ທ່ານ​ນາງ​ນາຍົກລັດຖະມົນຕີ ຍິງຣັກ ຊິນນະ​ວັດ ຖະ​ແຫຼ​ງວ່າ ທ່ານນາງ​ບໍ່​ລະ​ເມີດ​ບໍ່​ວ່າ​ກົດໝາຍ​ໃດ ​ໃນ​ການປົດຕຳ​ແໜ່​ງທ່ານ ທະວີ​ນ ປຽນ​ສີ ຫຼຸດ​ພົ້ນ​ອອກ​ຈາກ​ຕຳ​ແໜ່​ງ​ເປັນ​ເລຂາທິການ​ໃຫຍ່​ສະພາ​ປ້ອງ​ກັນ​ຄວາມ​ສະຫງົບ ​ເມື່ອ​ປີ 2011. ທ່ານ​ນາງ​ຢືນຢັນ​ວ່າ ການ​ປົດ​ຕຳ​ຕຳ​ແໜ່​ງ​ດັ່ງກ່າວ​ແມ່ນ​ຜົນ​ປະ​ໂຫຍ​ດຂອງ​ຊາດ. ພາຍຫຼັງ​ຮັບ​ຟັງ ທ່ານ​ນາງ​ນາຍົກລັດຖະມົນຕີ ຍິງຣັກ ຊິນນະ​ວັດ ​ແກ້ຄວາມ​ໃຫ້​ຕົນ, ທ່ານປະທານ​ສານ, ຜູ້​ພິພາກສາ ຈະ​ໂຣນ ອິນທະ​ຈັນ ຖະ​ແຫຼ​ງວ່າ ສານ​ລັດຖະທຳ​ມະນູນ ຈະ​ອອກ​ຄຳ​ຕັດສິນ​​ໃນ​ວັນ​ທີ 07/05 ກ່ຽວ​ກັບ​ຄຳ​ກ່າວ​ຫາ​ດັ່ງກ່າວ​ສຳລັບ​ທ່ານ​ນາງ ຍິງຣັກ.

        ຖ້າ​ຫາກ​ສານ​ອອກ​ຄຳ​ຕັດສິນ​ຕ້ານ​ທ່ານ​ນາງນາຍົກລັດຖະມົນຕີຊົ່ວຄາວ ​ຍິງຣັກ, ທ່ານ​ນາງ ​ແລະ ບັນດາສະມາ​ຊິກ​ໃນຄະນະລັດ​ຖະບານ​ຊົ່ວຄາວ ຈະ​ຕ້ອງ​ລາ​ອອກ​ຈາກ​ຕຳ​ແໜ່​ງ.