ນາຍົກລັດຖະມົນຕີ ປາແລດສະຕີນ Salam Fayyad
ພາບ:internet
|
(vovworld) - ວັນທີ 13/4, ປະທານາທິບໍດີ ປາແລດສະຕີນ Mahmoud Abbas ໄດ້ຕົກລົງຮັບໃບຄຳຮ້ອງຂໍລາອອກຈາກຕຳແຫນ່ງຂອງນາຍົກລັດຖະມົນຕີ ປາແລດສະຕີນSalam Fayyad ແຕ່ສະເຫນີທ່ານ Fayyad ສືບຕໍ່ຮັກສາຖານະຕຳແຫນ່ງນາຍົກລັດຖະມົນຕີຈົນເຖິງເມື່ອລັດຖະບານສາມັກຄີຂອງປາແລດສະຕີນໄດ້ຮັບການສ້າງຕັ້ງ. ຂ່າວຄາວດັ່ງກ່າວໄດ້ຮັບການປະກາດພາຍຫລັງການພົບປະລະຫວ່າງປະທານາທິບໍດີ Abbas ແລະ ນາຍົກລັດຖະມົນຕີ Fayyad ຢູ່ນະຄອນ Ramallah ທີ່ຝັງຕາເວັນຕົກແມ່ນ້ຳຈໍແດນ. ເຈົ້າຫນ້າທີ່ຂັ້ນສູງທ່ານຫນຶ່ງຂະບວນການ Fatah ຂອງປະທານາທິບໍດີ Abbas ໃຫ້ຮູ້ວ່າ: ປະທານາທິບໍດີ Abbas ຈະປະກາດໃຊ້ດຳລັດສອງສະບັບກ່ຽວກັບການສ້າງຕັ້ງລັດຖະບານສາມັກຄີຊົ່ວຄາວໂດຍໄວ ແລະ ກຳນົດເວລາຈັດຕັ້ງການເລືອກຕັ້ງຢູ່ບັນດາເຂດດິນແດນຂອງປາແລດສະຕີນ. ກ່ອນຫນ້ານັ້ນ, ວັນທີ 10/4, ທ່ານ Fayyad ໄດ້ຍື່ນໃບຄຳຮ້ອງຂໍລາອອກຈາກຕຳແຫນ່ງຕໍ່ປະທານາທິບໍດີ Abbas ຍ້ອນມີຄວາມບໍ່ລົງລອຍກັນກ່ຽວກັບນະໂຍບາຍຂອງລັດຖະບານ.