(ທ່ານ ທອງສິງ ທຳມະວົງ ນາຍົກລັດຖະມົນຕີແຫ່ງ
ສປປ. ລາວ ຕ້ອນຮັບທ່ານ ຫງວຽນຮ່ວາບິ່ງ)
(vovworld) – ຕອນເຊົ້າວັນທີ 19/10, ຢູ່ນະຄອນຫລວງ ວຽງຈັນ ປະເທດ ລາວ, ທ່ານ ທອງສິງ ທຳມະວົງ ນາຍົກລັດຖະມົນຕີແຫ່ງ ສປປ. ລາວ ໄດ້ໃຫ້ການຕ້ອນຮັບຄະນະຜູ້ແທນ ອົງການໄອຍະການປະຊາຊົນສູງສຸດ ຫວຽດນາມ ໂດຍທ່ານ ຫງວຽນຮ່ວາບິ່ງ ຫົວໜ້າອົງການໄອຍະການປະຊາຊົນສູງສຸດ ຫວຽດນາມ ນຳໜ້າ, ເນື່ອງໃນໂອກາດ ຄະນະຜູ້ແທນເຂົ້າຮ່ວມກອງປະຊຸມອົງການໄອຍະການປະຊາຊົນບັນດາແຂວງຊາຍແດນ ລາວ - ຫວຽດນາມ ຄັ້ງທີ 4 ຢູ່ແຂວງ ຫລວງພະບາງ. ທ່ານນາຍົກລັດຖະມົນຕີ ທອງສິງ ທຳມະວົງ ຕີລາຄາສູງໝາກຜົນຂອງກອງປະຊຸມຄັ້ງນີ້ ແລະ ເຊື່ອໝັ້ນວ່າ: 2 ຝ່າຍຈະບັນລຸໄດ້ການຮ່ວມມືທີ່ມີປະສິດທິຜົນສູງກ່ວາໃນໄລຍະທີ່ຈະມາເຖິງ. ສ່ວນທ່ານ ຫງວຽນຮ່ວາບິ່ງ ໃຫ້ຮູ້ວ່າ: ຫວຽດນາມ ຈະໜູນຊ່ວຍຢ່າງສູງສຸດເພື່ອໃຫ້ ລາວ ຈັດຕັ້ງກອງປະຊຸມຂັ້ນຫົວໜ້າອົງການໄອຍະການສູງສຸດ ອາຊຽນ ໃນປີ 2016 ໃຫ້ປະສົບຜົນສຳເລັດ. ທ່ານ ເຈືອງຮ່ວາບິ່ງ ໃຫ້ຄຳໝັ້ນສັນຍາ ຈະຮ່ວມມື ແລະ ຊ່ວຍເຫຼືອອົງການໄອຍະການປະຊາຊົນສູງສຸດ ລາວ ກ່ຽວກັບວຽກງານບຳລຸງສ້າງພະນັກງານ.