(VOVWORLD) -ຕອນບ່າຍວັນທີ 25 ມີນາ, ຢູ່ສຳນັກງານລັດຖະບານ, ທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ ໄດ້ເປັນປະທານການພົບປະສະຫຼຸບອາຍຸການ 2016 – 2021 ຂອງລັດຖະບານ.
 ທ່ານນາຍົກລັດຖະມົນຕີ ຫງວຽນຊວັນຟຸກ, ກ່າວຄຳເຫັນທີ່ການພົບປະ(ພາບ: VGP)
|
ກ່າວຄຳເຫັນທີ່ການພົບປະ, ທ່ານນາຍົກລັດຖະມົນຕີ ຫງວຽນຊວັນຟຸກ ເນັ້ນໜັກວ່າ, ໃນຕະຫຼອດອາຍຸການ 5 ປີຜ່ານມາ, ໃນສະພາບໂລກ ແລະ ພາກພື້ນມີການຜັນແປຫຼາຍຢ່າງ, ສະພາບການຢູ່ພາຍໃນປະເທດມີຄວາມສະດວກ, ກາລະໂອກາດສະຫຼັບກັບຄວາມຫຍຸ້ງຍາກ, ສືບທອດບັນດາຜົນງານທີ່ຍິ່ງໃຫຍ່ ແລະ ເສີມຂະຫຍາຍບົດຮຽນອັນລ້ຳຄ່າຂອງ 30 ປີແຫ່ງການປ່ຽນແປງໃໝ່, ພາຍໃຕ້ການນຳພາຂອງພັກ, ລັດ, ຄວາມເອົາໃຈໃສ່ສະໜັບສະໜູນຂອງສະພາແຫ່ງຊາດ; ລັດຖະບານອາຍຸການ 2016 – 2021 ໄດ້ເຮັດວຽກຈົນສຸດຄວາມສາມາດຂອງຕົນດ້ວຍທິດນຳທີ່ວ່າ: ສ້າງລັດຖະບານແຫ່ງການສ້າງສາ, ພັດທະນາຄວາມສັດຊື່ບໍລິສຸດ, ມີການກະທຳ, ຮັບໃຊ້ປະຊາຊົນ.
ທ່ານນາຍົກລັດຖະມົນຕີ ຫງວຽນຊວັນຟຸກ ສະແດງຄວາມປາດຖະໜາ ແລະ ເຊື່ອໝັ້ນວ່າ, ໃນໄລຍະຈະມາເຖິງ ເຖິງວ່າດຳລົງຕຳແໜ່ງໃດກໍ່ຕາມ, ພັກກິນເບັ້ຍບຳນານ ຫຼື ສືບຕໍ່ເຮັດວຽກ, ບັນດາສະມາຊິກລັດຖະບານອາຍຸການ 2016 – 2021 ກໍ່ຈະສືບຕໍ່ເສີມຂະຫຍາຍຈິດໃຈປະຕິວັດ, ປະກອບສ່ວນໃຫ້ແກ່ພັກ, ປະຊາຊົນ ແລະ ປະເທດຊາດ, ເພື່ອແນໃສ່ປະກອບສ່ວນນຳປະເທດ ຫວຽດນາມ ໃຫ້ມີຄວາມຈະເລີນຮຸ່ງເຮືອງ ແລະ ວັດທະນາຖາວອນ.