(vovworld) - ວັນ​ທີ 01/12, ໃນ​ຂອບ​ເຂດ​ການ​ຢ້ຽມ​ຢາມ ແລະ ເຂົ້າ​ຮ່ວມກອງ​ປະ​ຊຸມ​ຄັ້ງ​ທີ 21 ສົນ​ທິ​ສັນ​ຍາ​ແມ່​ຂອງ​ສະ​ຫະ​ປະ​ຊາ​ຊາດ​ກ່ຽວ​ກັບ​ການ​ປ່ຽນ​ແປງ​ຂອງ​ດິນ​ຟ​້າ​ອາ​ກາດ (COP 21) ຢູ່​ປາ​ຣີ, ປະ​ເທດ​ຝ​ລັ່ງ, ທ່ານ​ນາ​ຍົກ​ລັດ​ຖະ​ມົນ​ຕີ ຫງວຽນ​ເຕີນ​ຢຸງ ໄດ້​ຕ້ອນ​ຮັບ​ທ່ານ​ເລ​ຂາ​ທິ​ການ​ທົ່ວ​ປະ​ເທດ​ພັກ​ກອມ​ມູ​ນິດ​ຝ​ລັ່ງ Pierre Laurent. ຢູ່​ທີ່ນີ້, ທ່ານ​ນາ​ຍົກ​ລັດ​ຖະ​ມົນ​ຕີ ຫງວຽນ​ເຕີນ​ຢຸງ ເນັ້ນ​ໜັກ​ວ່າ: ປະ​ທາ​ນາ​ທິ​ບໍ​ດີ, ນາ​ຍົກ​ລັດ​ຖະ​ມົນ​ຕີ ແລະ ປະ​ທານ​ສະພາ​ສູງ, ປະ​ທານ​ສະ​ພາ​ແຫ່ງ​ຊາດ​ຝ​ລັ່ງ ລ້ວນ​ແຕ່​ປາດ​ຖະ​ໜາ​ຢາກ​ນຳ​ການ​ພົວ​ພັນ​ລະ​ຫວ່າງ 2 ປະ​ເທດ​ພັດ​ທະ​ນາ​​ຢ່າງ​ມີ​ປະ​ສິດ​ທິ​ຜົນ ແລະ ​ດີ​ງາມ. ທ່ານ​ນາ​ຍົກ​ລັດ​ຖະ​ມົນ​ຕີ​ກໍ​ສະ​ເໜີ​ໃຫ້​ພັກ​ກອມ​ມູ​ນິດ​ຝ​ລັ່ງ ເສີມ​ຂະ​ຫຍາຍ​ບົດ​ບາດ ແລະ ສຽງ​ເວົ້າ​ຂອງ​ຕົນ, ສືບ​ຕໍ່​ສະໜັບ​ສະ​ໜູນ, ປະ​ກອບ​ສ່ວນ​ຢ່າງ​ຕັ້ງ​ໜ້າ​ເຂົ້າ​ໃນ​ບັນ​ດາ​ການ​ເຄື່ອນ​ໄຫວ​ຮ່ວມ​ມື​ຫວຽດ​ນາມ - ຝ​ລັ່ງ ກໍ​ຄື​ເພີ່ມ​ທະ​ວີ​ການ​ພົວ​ພັນ​ລະ​ຫວ່າງ​ຫວຽດ​ນາມ - EU.

      ສ່ວນ​ທ່ານ Pierre Laurent ຢືນ​ຢັນ​ວ່າ, ພັກ​ກອມ​ມູ​ນິດ​ຍາມ​ໃດ​ກ​ໍ​ສະ​ໜັບ​ສະໜູນ ແລະ ຈະ​ສືບ​ຕໍ່​ມາ​ນະ​ພະ​ຍາ​ຍາມ​ປະ​ກອບ​ສ່ວນ​ເຂົ້າ​ໃນ​ການ​ພັດ​ທະ​ນາ​ການ​ພົວ​ພັນ​ລະ​ຫວ່າງ 2 ພັກ ແລະ ການ​ຮ່ວມ​ມື​ລະ​ຫວ່າງ 2 ປະ​ເທດ.