ນາຍົກລັດຖະມົນຕີຫງວຽນເຕີ້ນຢຸງເຂົ້າຮ່ວມພິທີທະລຸເສັ້ນທາງເຊື່ອມຕໍ່ນະຄອນກາເມົາກັບແຫຼມກາເມົາ
ພິທີທະລຸເສັ້ນທາງເຊື່ອມຕໍ່ນະຄອນກາເມົາກັບແຫຼມກາເມົາ |
(vovworld)- ຕອນເຊົ້າວັນທີ 16/1, ທ່ານນາຍົກລັດຖະມົນຕີຫວຽດນາມ ຫງວຽນເຕີ້ນຢຸງ ໄດ້ເຂົ້າຮ່ວມພິທີເປີດນຳໃຊ້ຂົວ ຮ່ວາຈຸງ ເຊື່ອມຕໍ່ນະຄອນ ກາເມົາກັບເມືອງ ເດີມເຢີຍ. ຂົວດັ່ງກ່າວມີຄວາມຍາວກວ່າ 1.200 ແມັດ ຖືກກໍ່ສ້າງດ້ວຍເບຕົງເສີມເຫຼັກ ດ້ວຍຍອດເງິນລົງທຶນ 380 ຕື້ກວ່າດົງ. ທ່ານນາຍົກລັດຖະມົນຕີຫວຽດນາມ ຫງວຽນເຕີ້ນຢຸງ ໄດ້ເຂົ້າຮ່ວມພິທີທະລຸເສັ້ນທາງໃນຂັ້ນເຕັກນິກ ສຳລັບໂຄງການເສັ້ນທາງໂຮ່ຈິມິນຕອນຈາກ ນ້ຳກັນ ຫາເດີດມຸ້ຍ ແລ່ນຜ່ານບໍລິເວນ 2 ເມືອງນ້ຳກັນ ແລະ ຫງອກຮ່ຽນ, ແຂວງ ກາເມົາ, ເຊື່ອມຕໍ່ນະຄອນກາເມົາກັບແຫຼມກາເມົາ, ເສັ້ນທາງມີລວງຍາວກວ່າ 50 ກິໂລແມັດ ດ້ວຍຍອດເງິນລົງທຶນກວ່າ 3.540 ຕື້ດົງ. ແລະ ກໍໃນວັນດຽວກັນ, ທ່ານນາຍົກລັດຖະມົນຕີຫວຽດນາມ ຫງວຽນເຕີ້ນຢຸງ ໄດ້ເຂົ້າຮ່ວມພິທີເປີດໂຄງການກໍ່ສ້າງເສົາທຸງຊາດຮ່າໂນ້ຍຢູ່ແຫຼມກາເມົາ ແລະ ພິທີເປີດໂຄງການກໍ່ສ້າງໂຮງງານໄຟຟ້າແຮງລົມ ຄາຍລອງ-ກາເມົາ.