ນາຍົກລັດຖະມົນຕີຫວຽດນາມ ຫງວຽນຊວນຟຸກ ຕ້ອນຮັບການນຳພັກ ຈຳນວນໜຶ່ງ ແລະ ວິສາຫະກິດຍີ່ປຸ່ນຈຳນວນໜຶ່ງ
(VOVWORLD) - ໃນຂອບເຂດການຢ້ຽມຢາມຍີ່ປຸ່ນຢ່າງເປັນທາງການ ແລະ ເຂົ້າຣ່ວມກອງປະຊຸມອະນາຄົດອາຊຽນ ຄັ້ງທີ 23, ຕອນບ່າຍວັນທີ 06 ມິຖຸນາ, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ຕ້ອນຮັບ ທ່ານປະທານພັກກອມມູນິດ Kazuo Ishii, ທ່ານປະທານພັກ NKP Natsuo Yamaguchi ແລະ ທ່ານປະທານພັກມິນຊິນໂຕຂອງຍີ່ປຸ່ນ Murata Renho.
 ທ່ານນາຍົກລັດຖະມົນຕີ ຫງວຽນຊວນຟູກ ພົບປະກັບປະທານ NKP |
ໃນການຕ້ອນຮັບ, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ແຈ້ງໃຫ້ບັນດາການນຳພັກຊາບ ກ່ຽວກັບບັນດາວິວັດທະນາການມໍ່ໆມານີ້ ໃນການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງສອງປະເທດ ແລະ ປາຖະໜາວ່າບັນດາພັກນີ້ຈະສືບຕໍ່ຊ່ວຍໜູນໃຫ້ລັດຖະບານຍີ່ປຸ່ນຊຸກຍູ້ການພົວພັນກັບຫວຽດນາມ.
ຕອນບ່າຍວັນດຽວກັນ, ທ່ານນາຍົກລັດຖະມົນຕີ ຫງວຽນຊວນຟຸກກໍ່ໄດ້ຕ້ອນຮັບ ທ່ານປະທານອົງການຮ່ວມມືສາກົນຍີ່ປຸ່ນ (JICA) Shinichi Kitaoka, ທ່ານປະທານ ພັນທະພາບ ສ.ສ.ຊ Mekong ຍີ່ປຸ່ນ Ryu Shionoya ແລະ ທ່ານປະທານກຸ່ມບໍລິສັດ Canon Mitarrai Fijio. ທ່ານນາຍົກລັດຖະມົນຕີ ຫງວຽນຊວນຟຸກ ກໍ່ໄດ້ຕ້ອນຮັບ ຜູ້ວ່າການແຂວງ Kanagawa Yuji Kuroiwa ແລະ ຜູ້ວ່າການແຂວງ Aichi Hideaki Omura.