ໃນຖະແຫຼງການຖືກຍົກອອກມາ ພາຍຫຼັງສະມາຊິກລັດຖະສະພາສ່ວນຫຼາຍໄດ້ປ່ອນບັດສະກັດກັ້ນຜູ້ສືບທອດຕຳແໜ່ງຂອງທ່ານນາງ ຊຸກຍູ້ການ Brexit ບໍ່ມີຂໍ້ຕົກລົງ, ຫ້ອງວ່າການນາຍົກລັດຖະມົນຕີອັງກິດ ໃຫ້ຮູ້ວ່າ: “ທ່ານນາງນາຍົກລັດຖະມົນຕີ Theresa May ໄດ້ສະແດງຄວາມຜິດຫວັງເມື່ອລັດຖະມົນຕີບາງທ່ານບໍ່ເຂົ້າຮ່ວມການປ່ອນບັດ”. ຖະແຫຼງການໄດ້ເນັ້ນໜັກວ່າ: “ແນ່ນອນວ່າ ຜູ້ສືບທອດຂອງທ່ານນາງ Theresa May ໄດ້ຄິດໄລ່ຊັ່ງຊາກ່ຽວກັບສິ່ງດັ່ງກ່າວແລ້ວ ໃນເວລາທີ່ສ້າງຕັ້ງລັດຖະບານໃໝ່”.

        ກ່ອນໜ້ານັ້ນ, ສະພາຕ່ຳອັງກິດ ໄດ້ດຳເນີນການປ່ອນບັດ ດ້ວຍໝາກຜົນແມ່ນມີສະມາຊິກລັດຖະສະພາ 315 ທ່ານສະໜັບສະໜູນ ແລະ 274 ທ່ານແມ່ນປ່ອນບັດຄັດຄ້ານ ຕໍ່ມາດຕາ 1 ເພື່ອແນໃສ່ກໍ່ຄວາມຫຍຸ້ງຍາກກວ່າ ຖ້າຫາກວ່ານາຍົກລັດຖະມົນຕີຄົນໃໝ່ ຊອກຫາວິທີເພື່ອຊຸກຍູ້ແຜນການ Brexit ບໍ່ມີຂໍ້ຕົກລົງ.