ທ່ານນາຍົກລັດຖະມົນຕີ Boris Johnson ໄດ້ຢ້ຳຄືນຄຳໝັ້ນສັນຍາທີ່ວ່າ ຈະນຳປະເທດອັງກິດ ຖອນຕົວອອກຈາກສະຫະພາບເອີລົບ (ອີຢູ), ຫຼືເອີນວ່າ Brexit, ຖືກຕາມການກຳນົດເຊິ່ງແມ່ນໃນວັນທີ 31 ມັງກອນ 2020. ເຖິງຢ່າງໃດກໍ່ຕາມ, ທ່ານ Boris Johnson ຢືນຢັນວ່າ, ສິ່ງດັ່ງກ່າວຈະເກີດຂຶ້ນໄດ້ກໍ່ພຽງແຕ່ຖ້າຫາກພັກນິຍົມຮັກສາເດີມຂອງທ່ານຍາດໄດ້ທີ່ນັ່ງສ່ວນຫຼາຍຢູ່ສະພາແຫ່ງຊາດ ໃນການເລືອກຕັ້ງທີ່ຈະມາເຖິງ.