(vovworld) - ​ວັນ​ທີ 9/3, ທ່ານ​ນາ​ຍົກ​ລັດ​ຖະ​ມົນ​ຕີ ຍີ່​ປຸ່ນ Shinzo Abe ແລະ ຄູ່​ຕຳ​ແໜ່ງ​ເຢຍ​ລະ​ມັນ ທ່ານ​ນາງ Angela Merkel ໄດ້​ເຫັນ​ດີ​ເປັນ​ເອ​ກະ​ສັນ​ກະ​ຕຸກ​ຊຸກ​ຍູ້ ລັດ​ເຊຍ ສວມ “ບົດ​ບາດ​ມີ​ລັກ​ສະ​ນະ​ສ້າງ​ສັນ” ເພື່ອ​ແນ​ໃສ່​ພາ​ໄປ​ເຖິງ​ມາ​ດ​ຕະ​ການ​ສັນ​ຕິ​ພາບ​ຢູ່ ຢູ​ແກຼນ. ໃນ​ການ​ປະ​ຊຸມ​ຂ່າວ​ຮ່ວມ​ກັບ​ທ່ານ​ນາງ​ນາ​ຍົກ​ລັດ​ຖະ​ມົນ​ຕີ Angela Merkel ພາຍຫຼັງ​ການ​ພົບ​ປະ​ຢູ່​ນະ​ຄອນຫຼວງ ໂຕ​ກຽວ, ທ່ານ​ນາ​ຍົກ​ລັດ​ຖະ​ມົນ​ຕີ Shinzo Abe ຊີ້​ແຈ້ງວ່າ: 2 ປະ​ເທດ​ຢາກ​ຊຸກ​ຍູ້ ລັດ​ເຊຍ ສວມ​ບົດ​ບາດ​ມີ​ລັກ​ສະ​ນະ​ສ້າງ​ສັນ ມຸ່ງ​ໄປ​ເຖິງ​ມາດ​ຕະ​ການ​ການ​ທູດ ແລະ ສັນ​ຕິ​ພາບ​ໃຫ​້​ແກ່​ວິ​ກິດ​ການ​ຢູ່ ຢູ​ແກຼນ, ໃນ​ນັ້ນ​ມີ​ການ​ປະ​ຕິ​ບັດ​ຂໍ້​ຕົກ​ລົງ​ຢຸດ​ຍິງ​ທີ່​ບັນ​ລຸ​ໄດ້​ໃນ​ເດືອນ 2 ຜ່ານ​ມາ​ຢ່າງ​ຄົບ​ຖ​້ວນ.

        ທ່ານ​ນາງ​ນາ​ຍົກ​ລັດ​ຖະ​ມົນ​ຕີ Angela Merkel ຢ້ຽມ​ຢາມ ຍີ່​ປຸ່ນ ຢ່າງ​ເປັນ​ທາງ​ການໃນ​ເວ​ລາ 2 ວັນ​ແຕ່​ວັນ​ທີ 9/3. ໃນ​ການ​ເຈ​ລະ​ຈາ​ຂັ້ນ​ສ​ູງ, ການ​ນຳ 2 ປະ​ເທດ​ເຫັນ​ດີ​ເປັນ​ເອ​ກະ​ສັນ​ພ້ອມ​ກັບ ບ​ຣາ​ຊິນ ແລະ ອິນ​ເດຍ ຊຸກ​ຍູ້​ການ​ປະ​ຕິ​ຮູບ​ສະ​ພາ​ຄວາມ​ໝັ້ນ​ຄົງ ສ​ປ​ຊ. 2 ຝ່າຍ​ໃຫ້​ຄຳ​ໝັ້​ນ​ສັນ​ຍາ​ຍູ້​ແຮງ​ບັນ​ດາ​ຄວາມ​ມາ​ນະ​ພະ​ຍາ​ຍາມ​ເພື່ອ​ໃຫ້ ຍີ່​ປຸ່ນ ແລະ ສະ​ຫະ​ພາບ ເອີ​ລົບ ອາດ​ຈະ​ບັນ​ລຸ​ໄດ້​ຂໍ້​ຕົກ​ລົງ​ກາ​ນ​ຄ້າ​ເສ​ລີ 2 ຝ່າຍ​ໃນ​ປີນີ້​ໂດຍ​ໄວ. ການ​ນຳ ຍີ່​ປຸ່ນ ແລະ ເຢຍ​ລະ​ມັນ ກໍ່​ຢັ້ງ​ຢືນ​ຄືນ​ໃໝ່​ການ​ຮ່ວມ​ມື​ໃນ​ບັ້​ນ​ຮົບ​ຕ້ານ​ລັດ​ທິກໍ່​ການ​ຮ້າຍ, ພ້ອມ​ທັງ​ແລກ​ປ່ຽນ​ກ່ຽວ​ກັບ​ສະ​ພາບ​ການ​ຢູ່ ອາ​ຊີ​ຕາ​ເວັນ​ອອກ ກ່ຽວ​ຂ້ອງ​ເຖິງ​ຄວາມ​ໝັ້ນ​ຄົງ​​ໃນການ​ເດີນ​ທະ​ເລ ແລະ ໂຄງ​ການ​ນິວ​ເຄຼຍ​ຂອງ ສ​ປ​ປ. ເກົາຫຼີ.