(VOVWORLD) - ວັນທີ 16 ຕຸລາ, ເວທີປາໄສລາງວັນສົມເດັດເຈົ້າຟ້າມະຫາຈັກກຣີ ຄັ້ງທີ 5 ໄດ້ຈັດຂຶ້ນຢູ່ນະຄອນຫຼວງ ບາງກອກ ພາຍໃຕ້ການເປັນປະທານຂອງລາຊະທິດາ ໄທ, ສົມເດັດເຈົ້າຟ້າມະຫາຈັກກຣີ ສີຣິທອນ.
 ຄະນະຜູ້ແທນ ຫວຽດນາມ ຖ່າຍຮູບພ້ອມກັບເອກອັກຄະລັດຖະທູດ ຫວຽດນາມ ປະຈຳ ໄທ ໃນພິທີຮັບລາງວັນ (ພາບ: VOV) |
ດ້ວຍການປະກອບສ່ວນຢ່າງຕັ້ງໜ້າໃຫ້ແກ່ພາລະກິດພັດທະນາການສຶກສາ ແລະ ເຊື່ອມໂຍງເຂົ້າກັບສາກົນ, ນາຍຄູ ຫງວຽນແມັ້ງຮຸ່ງ, ຮອງຜູ້ອຳນວຍການໂຮງຮຽນມັດທະຍົມຕອນປາຍສະເພາະຂະແໜງ ຮວ່າງວັນຖຸ, ແຂວງ ຮວ່າບິ່ງ, ເປັນຜູ້ຕາງໜ້າຂອງ ຫວຽດນາມ ພ້ອມດ້ວຍນາຍຄູ 10 ທ່ານຢູ່ບັນດາປະເທດ ອາຊີຕາເວັນອອກສ່ຽງໃຕ້ ໄດ້ເປັນກຽດຮັບລາງວັນດັ່ງກ່າວ.
ລາງວັນສົມເດັດເຈົ້າຟ້າມະຫາຈັກກຣີ ເຊີດຊູບັນດາຄູອາຈານທີ່ມີການປະກອບສ່ວນຫຼາຍຢ່າງໃຫ້ແກ່ພາລະກິດການສຶກສາ ແລະ ວົງຄະນະຍາດ, ໂດຍໄດ້ຮັບການສ້າງຕັ້ງແຕ່ປີ 2015, ເນື່ອງໃນໂອກາດສະເຫຼີມສະຫຼອງວັນຄ້າຍວັນປະສູດປີທີ 60 ຂອງສົມເດັດເຈົ້າຟ້າມະຫາຈັກກຣີ ສີຣິທອນ.
ງອກຢຽບ - ດັ້ງຕວຽນ, ນັກຂ່າວ VOV ປະຈຳ ໄທ