(ພາບປະກອບ)

ສະຫະສະມາຄົມວັດທະນະທຳອາຫານການກິນ ຫວຽດນາມ ມີສະມາຊິກຫຼາຍກວ່າ 300 ຄົນ ລວມມີບັນດາຫົວໜ່ວຍວິສາຫະກິດ, ໂຮງແຮມ, ຮ້ານອາຫານ ແລະ ບັນດານັກຄົ້ນຄວ້າດ້ານອາຫານການກິນ. ທ່ານ ຫງວຽນກວກກີ່, ຜູ້ອຳນວຍການໃຫຍ່ບໍລິສັດທ່ອງທ່ຽວ Viettravel, ໄດ້ຮັບເລືອກຕັ້ງເປັນປະທານສະຫະສະມາຄົມວັດທະນະທຳອາຫານການກິນ ຫວຽດນາມ ອາຍຸການ 2017 – 2022. ຈຸດປະສົງຂອງສະຫະສະມາຄົມແມ່ນເພື່ອຄົ້ນຫາ, ຮັກສາ ແລະ ພັດທະນາວັດທະນະທຳອາຫານການກິນໃຫ້ກາຍເປັນຊັບສິນ, ເຄື່ອງໝາຍການຄ້າແຫ່ງຊາດໃນປີ 2030. ພ້ອມທັງ, ສ້າງບັນດາເມືອງຫຼວງ, ເມືອງເອກ ແລະ ຫໍພິພິຕະພັນອາຫານການກິນຢູ່ ຫວຽດນາມ. ສະຫະສະມາຄົມມີບົດບາດຈັດຕັ້ງສ້າງບັນດາການເຄື່ອນໄຫວ, ເຫດການຢ່າງອຸດົມສົມບູນ, ແທດຈິງ ເພື່ອແນໃສ່ຍົກສູງຄຸນຄ່າວັດທະນະທຳອາຫານການກິນ ຫວຽດນາມ ຄື: ເປີດໂຮງຮຽນບຳລຸງສ້າງອາຊີບປຸງແຕ່ງອາຫານ; ໂຄສະນາເຜີຍແຜ່ດ້ານອາຫານການກິນທັງຢູ່ພາຍໃນ ແລະ ຕ່າງປະເທດ; ໃນອານາຄົດຈະສ້າງບັນດາເມືອງເອກ ແລະ ຫໍພິພິທະພັນອາຫານການກິນຢູ່ ຫວຽດນາມ.