ທ່ານຮອງນາຍົກລັດຖະມົນຕີລາວ ອາຊ່າງ ລາວລີ
ຕ້ອນຮັບຄະນະຜູ້ແທນສະມາຄົມນັກປະພັນ ຫວຽດນາມ
(ພາບ: vietnamplus.vn)
(vovworld) - ວັນທີ 27/12, ທ່ານຮອງນາຍົກລັດຖະມົນຕີລາວ ອາຊ່າງ ລາວລີ ໄດ້ໃຫ້ການຕ້ອນຮັບຄະນະຜູ້ແທນສະມາຄົມນັກປະພັນ ຫວຽດນາມ ໂດຍນັກກະວີ ຫິວທິງ, ປະທານສະມາຄົມ, ນຳໜ້າພວມທຳການຢ້ຽມຢາມ ແລະ ເຮັດວຽກຢູ່ລາວ ໃນລະຫວ່າງວັນທີ 25 – 27/12. ທີ່ການຕ້ອນຮັບ, ນັກກະວີ ຫິວທິງ ຢືນຢັນວ່າ ໃນປີ 2013, ສະມາຄົມນັກປະພັນ ຫວຽດນາມ ແລະ ລາວ ຈະຊຸກຍູ້ການຮ່ວມມືຢ່າງຮອບດ້ານ, ສູ້ຊົນຮຽບຮຽງປື້ມເລື່ອງສັ້ນ ແລະ ບົດບັນທຶກກ່ຽວກັບປະເທດລາວ, ເພີ່ມທະວີການພົບປະແລກປ່ຽນ, ສ້າງເງື່ອນໄຂໃຫ້ແກ່ບັນດານັກປະພັນລົງທັດສະນະຕົວຈິງ, ແລກປ່ຽນບົດຮຽນໃນການຂຽນ ແລະ ການແປ ກໍຄືວຽກງານຄຸ້ມຄອງຂອງສະມາຄົມ ປະກອບສ່ວນເພີ່ມພູນຄູນສ້າງສາຍພົວພັນແບບພິເສດລະຫວ່າງສອງປະເທດ. ທ່ານຮອງນາຍົກລັດຖະມົນຕີລາວ ອາຊາງ ລາວລີ ຢືນຢັນວ່າ ບັນດາບົດປະພັນວັນນະຄະດີຂອງນັກປະພັນຫວຽດນາມ ທີ່ຂຽນກ່ຽວກັບປະເທດລາວ ແມ່ນຊັບສົມບັດອັນລ້ຳຄ່າ, ບໍ່ພຽງແຕ່ເພີ່ມພູນຄູນສ້າງສາຍພົວພັນມິດຕະພາບທີ່ຍິ່ງໃຫຍ່ລະຫວ່າງສອງປະເທດເທົ່ານັ້ນ ຫາກຍັງແມ່ນແຫຼ່ງລະດົມກຳລັງໃຈເພື່ອໃຫ້ປະຊາຊົນເຊື່ອໝັ້ນຕໍ່ຊີວິດກວ່າອີກ, ສູ້ຊົນສ້າງປະເທດຊາດໃຫ້ຈະເລີນຮຸ່ງເຮືອງ. ທ່ານຮອງນາຍົກລັດຖະມົນຕີ ຫວັງວ່າ ບັນດານັກປະພັນຂອງສອງປະເທດ ຈະສືບຕໍ່ຊຸກຍູ້ການຮ່ວມມື ເພື່ອໃຫ້ມີບັນດາບົດປະພັນທີ່ດີ, ພ້ອມກັນຮັກສາ ແລະ ເສີມຂະຫຍາຍສາຍພົວພັນລະຫວ່າງຫວຽດນາມ - ລາວ.