.jpg)
ພາບປະກອບ
|
(vovworld) – ຄຳ່ຄືນວັນທີ 7/2 (ກົງກັບວັນທີ 29/12 ໄລ່ຕາມຈັນທະປະຕິທິນ), ການຍິງບັ້ງໄຟດອກທີ່ສວຍງາມ, ພ້ອມກັບບັນດາການເຄື່ອນໄຫວຟົດຟື້ນເພື່ອຕ້ອນຮັບບຸນປີໃໝ່, ໄດ້ຈັດຕັ້ງຢູ່ຫຼາຍປະເທດໃນ ອາຊີ ເພື່ອຂຳ່ນັບຮັບຕ້ອນບຸນປີໃໝ່ປະຈຳຊາດປີວອກ 2016. ໂດຍບໍ່ຫົວຊາຕໍ່ສະພາບການເສດຖະກິດມີຄວາມຫຍຸ້ງຍາກ, ບັນດາຮ້ານອາຫານຢູ່ປັກກິງ, ປະເທດຈີນ ເກືອບທັງໝົດ ລ້ວນແຕ່ມີແຂກມາກິນເຕັມໃນຄຳ່ຄືນສົ່ງທ້າຍປີເກົ່າ, ຕ້ອນຮັບປີໃໝ່. ຖະໜົນຫົນທາງແຫ່ງຕ່າງໆຢູ່ປັກກິ່ງ ແລະ ບັນດາແຂວງອື່ນໆຂອງ ຈີນ, ບັນຍາກາດຂອງງານບຸນ ກໍ່ແຜ່ລາມອອກດ້ວຍການເຄື່ອນໄຫວສະແດງສິລະປະອື່ນໆ. ສ່ວນຢູ່ ຮົງກົງ (ປະເທດ ຈີນ) ການຕ້ອນຮັບບຸນປີໃໝ່ປະຈຳຊາດໄດ້ດຳເນີນໄປດ້ວຍງານບຸນເດີນຂະບວນຄຳ່ຄືນສາກົນທີ່ເປັນມູນເຊື້ອປະຈຳປີ. ຢູ່ສິງກາໂປ, ແຂກສາກົນນັບພັນຄົນໄດ້ພ້ອມກັນເຂົ້າຮ່ວມການຕ້ອນຮັບບຸນປີໃໝ່ປະຈຳຊາດກັບປະຊາຊົນ.
ຢູ່ ອາເມລິກາ, ອົດສະຕາລີ, ອັງກິດ, ຝຣັ່ງ, ບາງສະຖານທີ່ມີຊາວ ອາຊີ ດຳລົງຊີວິດ, ບຸນປີໃໝ່ປະຈຳຊາດກໍໄດ້ຮັບການຈັດຕັ້ງຢ່າງຟົດຟື້ນ ດ້ວຍການຟ້ອນສິງໂຕ, ງານບຸນເຮືອມັງກອນ, ປ່ອຍໂຄມໄຟ.