ການນຳອາເມລິກາ ແລະ ເອີລົບເຫນືອ
ພາບ:AFP/TTXVN
|
vovworld)- ພາຍຫລັງປະຊຸມມາເປັນເວລາ 1 ວັນຢູ່ ວໍຊິງຕັນ, ວັນທີ 13/5, ກອງປະຊຸມສຸດຍອດບັນດາການນຳອາເມລິກາ ແລະ ເອີລົບເຫນືອ ໄດ້ອອກຖະແຫລງການຮ່ວມຢັ້ງຢືນຄືນໃຫມ່ການພົວພັນຄູ່ຮ່ວມມືຢ່າງເລິກເຊິ່ງ ພ້ອມທັງໃຫ້ຄຳໝັ້ນສັນຍາຊຸກຍູ້ການຮ່ວມມືໃນຫລາຍຂົງເຂດ. ຖະແຫລງການຮ່ວມເນັ້ນຫນັກເຖິງ ອະທິປະໄຕ, ອຳນາດນິຕິບັນຍັດ, ຄວາມສະເຫມີພາບລະຫວ່າງຍິງຊາຍ, ເຄົາລົບສິດທິມະນຸດ ແລະ ການປະພຶດຍຸຕິທຳໂດຍບໍ່ຫົວຊາຕໍ່ເຊື້ອຊາດຜິວພັນ, ສາດສະຫນາຫລືເພດ ແມ່ນບັນດາຄຸນຄ່າພື້ນຖານໃຫ້ແກ່ການຮ່ວມມືລະຫວ່າງ ອາເມລິກາ ແລະ ບັນດາປະເທດ ເອີລົບເຫນືອ. ກ່ຽວກັບການປ້ອງກັນຊາດ ປ້ອງກັນຄວາມສະຫງົບ, ປະທານາທິບໍດີ ອາເມລິກາ Barack Obama ແລະ ບັນດາການນຳ ເອີລົບເຫນືອ ໄດ້ເນັ້ນຫນັກເຖິງຄວາມສຳຄັນຂອງການຮັບປະກັນຄວາມເປັນລະບຽບຮຽບຮ້ອຍ ຄວາມປອດໄພຢູ່ ເອີລົບ ແລະ ບັນດາຫລັກການພື້ນຖານຂອງກົດໝາຍສາກົນ.