ບັນດາການເຄື່ອນໄຫວ ສະເຫຼີມສະຫຼອງວັນແພດໝໍຫວຽດນາມ 27/2
ສະເຫຼີມສະຫຼອງວັນແພດໝໍຫວຽດນາມ |
(vovworld)- ເນື່ອງໃນໂອກາດສະເຫຼີມສະຫຼອງວັນແພດໝໍຫວຽດນາມ (27/2/1955 – 27/2/2017). ຕອນເຊົ້າວັນທີ 26/2, ຄະນະຊາວໜຸ່ມນະຄອນໂຮ່ຈິມິນໄດ້ຈັດງານມະໂຫລານ “ ໄວໜຸ່ມຂະແໜງການແພດເຮັດຕາມຄຳສັ່ງຂອງທ່ານປະທານໂຮ່ຈິມິນ ”. ເນື່ອງໃນໂອກາດນີ້, ຄະນະປະຈຳ ຄະນະຊາວໜຸ່ມນະຄອນໂຮ່ຈິມິນໄດ້ຈັດພິທີຍ້ອງຍໍຊົມເຊີຍ ແລະ ມອບລາງວັນຝ້າມຫງອກແທກ ຄັ້ງທີ 5 ປີ 2017 ໃຫ້ແກ່ 27 ແບບຢ່າງແພດໝໍໜຸ່ມ ທີ່ມີຄວາມມານະພະຍາຍາມ, ຈັນຍາບັນ ແລະ ຈັນຍາທຳໃນການເຂົ້າຮ່ວມບັນດາການເຄື່ອນໄຫວອາສາສະໝັກ. ທ່ານໝໍ ຫງວຽນດິງຢຸ້ງ ຢູ່ສູນການແພດປ້ອງກັນນະຄອນໂຮ່ຈິມິນ ຜູ້ໄດ້ຮັບລາງວັນຝ້າມຫງອກແທກຄັ້ງນີ້ ໃຫ້ຮູ້ວ່າ :
“ ຂ້າພະເຈົ້າເອກອ້າງທະນົງໃຈເພາະການປະກອບເຫື່ອແຮງຂອງຕົນໄດ້ຮັບການຮັບຮູ້. ໄລຍະທີ່ຈະມາເຖິງ, ເຮົາຈະສືບຕໍ່ຜັນຂະຫຍາຍຂໍ້ລິເລີ່ມນີ້ລົງຮອດຮາກຖານ. ຂ້າພະເຈົ້າຈະປະດິດສ້າງບັນດາວິທີການໃໝ່ເພື່ອປະກອບສ່ວນຫຼາຍກ່ວາອີກໃຫ້ແກ່ວຽກງານປ້ອງກັນ ແລະ ຕ້ານໂລກລະບາດຂອງນະຄອນ ”