ບັນດາການເຄື່ອນໄຫວສະເຫຼີມສະຫຼອງ 89 ປີແຫ່ງວັນສື່ມວນຊົນປະຕິວັດຫວຽດນາມ

ວັນເສົາ ທີ 21 ມິຖຸນາ ຄ.ສ. 2014 | 18:38:09

ທ່ານ ດິງເທ້ຮິງ ຫົວໜ້າຄະນະໂຄສະນາສຶກສາສູນກາງພັກໄດ້ລົງຢ້ຽມຢາມ ແລະ ອວຍພອນວິທະຍຸກະຈາຍສຽງຫວຽດນາມ

(vovworld)- ສະເຫຼີມສະຫຼອງ 89 ປີແຫ່ງວັນສື່ມວນຊົນປະຕິວັດຫວຽດນາມ (21/6/1925 – 21/6/2014). ໃນຊຸມມື້ທີ່ຜ່ານມາ, ບັນດາອົງການ, ສຳນັກສື່ມວນຊົນຂັ້ນສູນກາງ ແລະ ທ້ອງຖິ່ນ, ສະມາຄົມນັກຂ່າວຢູ່ບັນດາແຂວງ, ນະຄອນໃນທ່ົວປະເທດໄດ້ຈັດການເຄື່ອນໄຫວຫຼາຍຢ່າງເພື່ອຂ່ຳນັບຮັບຕ້ອນເຫດການສະເຫຼີມສະຫຼອງ 89 ປີແຫ່ງວັນສື່ມວນຊົນປະຕິວັດຫວຽດນາມ. ວັນທີ 20/6, ທ່ານ ດິງເທ້ຮິງ ຫົວໜ້າຄະນະໂຄສະນາສຶກສາສູນກາງພັກໄດ້ລົງຢ້ຽມຢາມ ແລະ ອວຍພອນວິທະຍຸກະຈາຍສຽງຫວຽດນາມ ແລະ ບັນດາອົງການ, ສຳນັກສື່ມວນຊົນຂັ້ນສູນກາງຢູ່ຮ່າໂນ້ຍ. ກ່າວຄຳເຫັນເມື່ອຢ້ຽມຢາມ ແລະ ອວຍພອນວິທະຍຸກະຈາຍສຽງຫວຽດນາມ, ທ່ານ ດິງເທ້ຮິງ ຫົວໜ້າຄະນະໂຄສະນາສຶກສາສູນກາງພັກໄດ້ສະແດງຄວາມເຊື່ອໝັ້ນຕໍ່ບັນດາບາດກ້າວຂະຫຍາຍຕົວໃໝ່ຂອງ ວິທະຍຸກະຈາຍສຽງຫວຽດນາມ. ທ່ານ ດິງເທ້ຮິງ ຫົວໜ້າຄະນະໂຄສະນາສຶກສາສູນກາງພັກສະເໜີວິທະຍຸກະຈາຍສຽງ ຫວຽດ ນາມຈົ່ງປ່ຽນໃໝ່ດ້ານເນື້ອໃນ, ຕອບສະໜອງຄວາມຕ້ອງການຂອງມວນຊົນ.

ທີ່ນະຄອນ ເກີນເທີ, ວັນທີ 21/6, ຄະນະຊີ້ນຳເຂດທາງທິດຕາເວັນຕົກພາກໃຕ້, ສະມາຄົມນັກຂ່າວຫວຽດນາມນະຄອນເກີນເທີໄດ້ຈັດການພົບປະສ້າງສັນເນື່ອງໂອກາດ ສະເຫຼີມສະຫຼອງ 89 ປີແຫ່ງວັນສື່ມວນຊົນປະຕິວັດຫວຽດນາມ . ຢູ່ແຂວງເຫົ້າຢາງ ພ້ອມກັບການ ຈັດການພົບປະສ້າງສັນ, ຈັດພິທີມອບລາງວັນສື່ມວນຊົນປີ 2013-2014 ເນື່ອງໂອກາດ ສະເຫຼີມສະຫຼອງ 89 ປີແຫ່ງວັນສື່ມວນຊົນປະຕິວັດຫວຽດນາມນັ້ນ, ສະມາຄົມນັກຂ່າວຫວຽດນາມ ແຂວງເຫົ້າຢາງ ຍັງສົມທົບກັບ ວິທະຍຸກະຈາຍສຽງ-ໂທລະພາບແຂວງເຫົ້າຢາງ ຈັດລາຍການພົບປະແລກປ່ຽນດ້ວຍຫົວເລື່ອງ : “ ນັກຂ່າວກັບຄວາມຮັກເຂດທະເລໝູ່ເກາະ” ອີກດ້ວຍ.

ໃນຕອນຄ່ຳວັນທີ 21/6, ຢູ່ຮ່າໂນ້ຍ, ກໍດຳເນີນພິທີມອບລາງວັນສື່ມວນຊົນລະດັບຊາດຄັ້ງທີ 8 ປີ 2013. ໃນການມອບລາງວັນສື່ມວນຊົນລະດັບຊາດຄັ້ງທີ 8 ປີ 2013, ວິທະຍຸກະຈາຍສຽງຫວຽດນາມໄດ້ຮັບ 11 ລາງວັນ. ໃນບັນດາບົດໜັງສືພິມໄດ້ຮັບລາງວັນຂອງ ວິທະຍຸກະຈາຍສຽງຫວຽດນາມນັ້ນ, ມີ 2 ລາງວັນ A ໃຫ້ແກ່ລາຍການກະຈາຍສຽງພິເສດ “ 40 ປີແຫ່ງສັນຍາປາຣີ, ຈຸດຍອດສູງຂອງໄຊຊະນະທາງການທູດຫວຽດນາມ ແລະ ບັນດາບົດຮຽນວາງອອກໃນສະພາບການໃໝ່ ” ແລະ ບົດສາລະຄະດີທີ່ພາດຫົວຂໍ້ວ່າ “ ຊ່ອງວ່າງໃນການຄຸ້ມຄອງຊັບພະຍາກອນນ້ຳໂດຍສັງເກດຈາກການຕໍ່ສູ້ຍາດເອົານ້ຳຢູ່ພາກກາງ”.