ງານໂຮມຊຸມນຸມມິດຕິງສະເຫຼີມສະຫຼອງການປະຕິວັດເດືອນຕຸລາ ອັນຍິ່ງໃຫຍ່ ໄດ້ຈັດຂຶ້ນຢ່າງສົມກຽດຢູ່ ນະຄອນຫຼວງ ມົດສະກູ (ພາບ: VOV)

ວັນທີ 07 ພະຈິກ, ງານໂຮມຊຸມນຸມມິດຕິງສະເຫຼີມສະຫຼອງການປະຕິວັດເດືອນຕຸລາ ອັນຍິ່ງໃຫຍ່ ໄດ້ຈັດຂຶ້ນຢ່າງສົມກຽດຢູ່ ນະຄອນຫຼວງ ມົດສະກູ, ສະຫະພັນ ລັດເຊຍ, ໂດຍພາຍໃຕ້ການເປັນປະທານຂອງຄະນະບໍລິຫານງານສູນກາງພັກຄອມມູນິດ ສະຫະພັນ ລັດເຊຍ. ກ່າວຄຳເຫັນທີ່ພິທີ, ທ່ານປະທານພັກຄອມມູນິດ ສະຫະພັນ ລັດເຊຍ G. Ziuganov ໄດ້ເນັ້ນໜັກເຖິງບົດບາດສຳຄັນຂອງການນຳ ເລນິນ ຕໍ່ການປະຕິວັດເດືອນຕຸລາ ລັດເຊຍ ອັນຍິ່ງໃຫຍ່; ຢັ້ງຢືນບັນດາຜົນງານອັນຍິ່ງໃຫຍ່ ເຊິ່ງການປະຕິວັດເດືອນຕຸລາ ນຳມາໃຫ້. ທ່ານ G. Ziuganov ເນັ້ນໜັກວ່າ ການປະຕິວັດ ບໍ່ພຽງແຕ່ແມ່ນເຫດການສຳຄັນໃນປະຫວັດສາດຂອງ ລັດເຊຍ ເທົ່ານັ້ນ, ນີ້ຍັງແມ່ນເຫດການທີ່ມີຄວາມໝາຍ ໃນຂອບເຂດທົ່ວໂລກ, ປຸກລະດົມຂະບວນການສັງຄົມນິຍົມຂອງຫຼາຍປະເທດໃນໂລກ.

        ພາຍຫຼັງງານ ໂຮມຊຸມນຸມມິດຕິງ, ບັນດາຜູ້ແທນໄດ້ວາງພວງມາລາ ແລະ ເຂົ້າໄຫວ້ອາໄລການນຳ ເລນິນ ຢູ່ຈັດຕຸລັດແດງ. ກ່ອນໜ້ານັ້ນ, ຜູ້ແທນນັບຮ້ອຍຄົນໄດ້ແຫ່ຂະບວນຈາກສະໜາມຫຼວງປະຕິວັດ ໄປຍັງຈັດຕຸລັດແດງ. ບັນດາກິດຈະກຳດັ່ງກ່າວ ກໍໄດ້ດຳເນີນຢູ່ບາງທ້ອງຖິ່ນຂອງ ລັດເຊຍ ອີກດ້ວຍ.

ດັ້ງເກື່ອງ - ນັກຂ່າວ VOV ປະຈຳ ລັດເຊຍ