ວັນທີ 15 ທັນວາ, ທ່ານລັດຖະມົນຕີການຕ່າງປະເທດ ອີຣານ Mohammaf Javad Zarif  ຖະແຫຼງວ່າ ບັນດາມາດຕະການລົງໂທດຂອງ ອາເມລິກາ ບໍ່ສົ່ງຜົນກະທົບເຖິງບັນດານະໂຍບາຍຂອງ ເຕເຮຣານ ຢູ່ພາຍໃນປະເທດ ກໍຄື ຕ່າງປະເທດ. ກ່າວຄໍາເຫັນຢູ່ເວທີປາໄສ Doha  ຢູ່ Qatar  ໂດຍມີການເຂົ້າຮ່ວມຂອງບັນດານັກວາງແຜນນະໂຍບາຍແຖວໜ້າ, ຜູ້ນໍາໜ້າຂະແໜງການຕ່າງປະເທດ ອີຣານ ຊີ້ແຈ້ງວ່າ: “ແນ່ນອນວ່າ ພວກຂ້າພະເຈົ້າພວມຕ້ອງປະເຊີນໜ້າກັບກໍາລັງດັນ ຈາກບັນດາມາດຕະການລົງໂທດຂອງ ອາເມລິກາ. ແຕ່ ສິ່ງດັ່ງກ່າວ ຈະພາໄປໃຫ້ ນະໂຍບາຍ ປ່ຽນແປງຫຼືບໍ? ຂ້າພະເຈົ້າ ສາມາດຢັ້ງຢືນໄດ້ວ່າ ບໍ່ປ່ຽນແປງ”.

        ກ່ອນໜ້ານັ້ນ, ທ່ານລັດຖະມົນຕີ ການຕ່າງປະເທດ ອີຣານ Zarif   ເຄີຍຖະແຫຼງວ່າ ເຕເຮຣານ ຈະບໍ່ດໍາເນີນການເຈລະຈາກັບວໍຊິງຕັນ ກ່ຽວກັບບັນດາບັນຫາ ທີ່ຍັງຄົງຄ້າງລະຫວ່າງສອງຝ່າຍ, ໃນສະພາບການບັນດາເງື່ອນໄຂຍັງບໍ່ທັນສຸກງອມ.