ປະຊາຊົນຢູ່ ມົດສະກູ, ລັດເຊຍ (ພາບ:AFP/TTXVN)

ວັນທີ 28 ກຸມພາ, ບັນດານັກຊ່ຽວຊານ ຢູ່ສະຖາບັນປົກຄອງແຫ່ງລັດ ແລະ ເສດຖະກິດແຫ່ງຊາດ (RANAPE) ໃຫ້ຮູ້ວ່າ: ບັນດານັກຄົ້ນຄ້ວາຕີລາຄາບັນດາມາດຕະການລົງໂທດລັດເຊຍ ຂອງບັນດາປະເທດ ຝ່າຍຕາເວັນຕົກ ໄດ້ຮອດກຳນົດເວລາ ແລະ ເກືອບຄືວ່າບໍ່ສາມາດສະກັດກັ້ນການເຕີບໂຕດ້ານເສດຖະກິດຂອງປະເທດນີ້ໄດ້.  RANAPE ໄດ້ຊີ້ແຈ້ງວ່າ ຝ່າຍຕາເວັນຕົກຍາກທີ່ຈະສາມາດເພີ່ມເຕີມບັນດາມາດຕະການສະກັດກັ້ນທີ່ຫຼາຍພໍສົມຄວນ ສຳລັບ ມົດສະກູ, ຍ້ອນອາດຈະນຳມາເຊິ່ງຄວາມສ່ຽງສູງສຳລັບບັນດາປະເທດຂອງຝ່າຍຕາເວັນຕົກເອງ.

        ບັນດານັກຊ່ຽວຊານຢູ່ RANAPE ໄດ້ຍົກອອກ 2 ແຜນຮ່າງສຳລັບພື້ນຖານເສດຖະກິດ ລັດເຊຍ ໃນໄລຍະ 2024 – 2026. ແຜນຮ່າງທີ່ໜຶ່ງແມ່ນຄາດຄະເນເລື່ອງບັນດາປະເທດຝ່າຍຕາເວັນຕົກ ຈະຫລຸດລາຄາເພດານຂອງນ້ຳມັນລົງເຫຼືອພຽງ 50 ໂດລາສະຫະລັດ/ຖັງ, ຍົກອອກຄຳສັ່ງເກືອດຫ້າມສຳລັບການສົ່ງອອກໄປຍັງລັດເຊຍ ຢ່າງສີ້ນເຊິ່ງ, ກໍ່ຄືບັນດາມາດຕະການລົງໂທດອື່ນໆເພື່ອແນໃສ່ບັນດາປະເທດທີສາມ. ແຜນທີ່ສອງມີຄວາມປະເອີບໃຈກ່ວາ, ເຊິ່ງໄດ້ຄາດຄະເນຫຼາຍມາດຕະການທີ່ຄ້າຍຄືກັນຈາກບັນດາປະເທດຝ່າຍຕາເວັນຕົກ, ແຕ່ຈະຄ່ອຍໆໄດ້ປະກາດເປັນໄລຍະ. ຕາມແຜນຮ່າງນີ້ແລ້ວ, ບັນດານັກຊ່ຽວຊານໃຫ້ຂໍ້ສັງເກດວ່າ ລັດເຊຍ ອາດຈະບັນລຸລະດັບເຕີບໂຕ 2,2% ໃນປີ 2026.