(VOVWORLD) - ຕອນເຊົ້າວັນທີ 04 ພຶດສະພາ, ນັກຮຽນຂັ້ນປະຖົມ, ມັດທະຍົມຕອນຕ້ົນ, ມັດທະຍົມຕອນປາຍ ແລະ ມະຫາວິທະຍາໄລ ຢູ່ທ້ອງຖິ່ນສ່ວນຫຼາຍໃນທົ່ວປະເທດຫວຽດນາມ ໄດ້ກັບຄືນມາໂຮງຮຽນ ພາຍຫຼັງພັກຮຽນຊົ່ວຄາວ ຍ້ອນໂລກລະບາດໂຄວິດ - 19.
 (ພາບປະກອບ: TTXVN) |
ເພື່ອຮັບປະກັນຄວາມປອດໄພກ່ຽວກັບສຸຂະພາບໃຫ້ແກ່ນັກຮຽນ, ໂຮງຮຽນແຫ່ງຕ່າງໆ ລ້ວນແຕ່ສີດຢາຂ້າເຊື້ອ, ອະນາໄມທໍາຄວາມສະອາດ, ກະກຽມບັນດາເງື່ອນໄຂຈໍາເປັນເພື່ອຮັບນັກຮຽນມາໂຮງຮຽນ. ພ້ອມກັນນັ້ນ, ໂຮງຮຽນຫຼາຍແຫ່ງ ຍັງເປັນເຈົ້າການຊື້ອຸປະກອນຕ່າງໆເພື່ອປ້ອງກັນ ແລະ ສະກັດກັ້ນໂລກລະບາດ ເປັນຕົ້ນແມ່ນ ນໍ້າຢາລ້າງມື, ເຄື່ອງວັດແທກອຸນຫະພູມ ເພື່ອກວດສຸຂະພາບປະຈໍາວັນໃຫ້ແກ່ຄູ ແລະ ນັກຮຽນ, ນັກສຶກສາ. ນອກຈາກນັ້ນ, ເຂົາເຈົ້າກໍມີແຜນການປະຕິບັດການແຍກຫ່າງໃນໂຮງຮຽນໃນອາທິດທໍາອິດ. ທ່ານນາງ ເຈິ່ນເລະແຄັງ, ອໍານວຍການໂຮງຮຽນມັດທະຍົມຕອນຕົ້ນ ຫຼິງນາມ, ເມືອງຮວ່າງມາຍ, ຮ່າໂນ້ຍ ໃຫ້ຮູ້ວ່າ:
“ທາງໂຮງຮຽນໄດ້ກະກຽມຜ້າອັດປາກສໍາຮອງ 1500 ອັນ ໃຫ້ແກ່ນັກຮຽນ. ຫ້ອງຮຽນແຕ່ລະຫ້ອງລ້ວນແຕ່ໄດ້ກະກຽມນໍ້າຢາລ້າງມື ແລະ ມີການແນະນໍາລະອຽດໃຫ້ແກ່ນ້ອງໆນັກຮຽນ.”