ບັນດາປະເທດອະນຸພາກພື້ນແມ່ນ້ຳຂອງຮ່ວມມື,ຮ່ວມສຳພັນພັດທະນາການທ່ອງທ່ຽວ
ຮ່ວາຍນາມ, ນັກຂ່າວ VOV ປະຈຳພາກກາງ -
ເວທີປາໄສການທ່ອງທ່ຽວແມ່ນ້ຳຂອງ 2015
(ພາບ:Hoài Nam)
(vovworld) – ເວທີປາໄສການທ່ອງທ່ຽວແມ່ນ້ຳຂອງ 2015 ໄດ້ໄຂຂຶ້ນໃນຕອນເຊົ້າວັນທີ 18/6, ຢູ່ນະຄອນ ດ່ານັ້ງ. ດ້ວຍຫົວຂໍ້ວ່າ: “ຂຸດຄົ້ນຄວາມສາມາດບົ່ມຊ້ອນການທ່ອງທ່ຽວອະນຸພາກພື້ນແມ່ນ້ຳຂອງຜ່ານບັນດາການພົວພັນ
ຄູ່ຮ່ວມມືໃໝ່”, ເວທີປາໄສແມ່ນໂອກາດເພື່ອໃຫ້ບັນດາປະເທດໃນພາກພື້ນເປີດກ້ວາງບັນດາການເຄື່ອນໄຫວຮ່ວມມື, ຮ່ວມສຳພັນພັດທະນາການທ່ອງທ່ຽວຜ່ານບັນດາໂຄງການລົງທຶນ, ໂຄສະນາພາບພົດ, ແບ່ງປັນບົດຮຽນພັດທະນາການທ່ອງທ່ຽວ ລະຫວ່າງບັນດາປະເທດ ແລະ ສາກົນ. ກ່າວຄຳເຫັນທີ່ເວທີປາໄສ, ທ່ານລັດຖະມົນຕີຊ່ວຍວ່າການກະຊວງວັດທະນະທຳ, ກິລາ ແລະ ທ່ອງທ່ຽວຫວຽດນາມ ເລແຄ໋ງຫາຍ ໃຫ້ຮູ້ວ່າ: ຜ່ານອະນຸພາກພື້ນແມ່ນ້ຳຂອງເປີດກ້ວາງ, ຫວຽດນາມ ສາມາດເຊື່ອມຕໍ່ການທ່ອງທ່ຽວກັບບັນດາປະເທດໃນພາກພື້ນດ້ວຍສາຍການ
ບິນ, ທາງບົກ ແລະ ທາງນ້ຳ.
ອົງການທ່ອງທ່ຽວແຫ່ງຊາດບັນດາປະເທດອະນຸພາກພື້ນຄວນສົມທົບກັນ, ຍົກອອກບັນດາກົນໄກ, ນະໂຍບາຍລວມ, ສ້າງເງື່ອນໄຂໄປມາໃຫ້ສະດວກ, ສົ່ງເສີມວິສາຫະກິດເຂົ້າຮ່ວມລົງທຶນກໍ່ສ້າງພື້ນຖານໂຄງລ່າງທ່ອງທ່ຽວ, ສ້າງ ແລະ ໂຄສະນາບັນດາຜະລິດຕະພັນລະຫວ່າງເຂດ, ລະຫວ່າງຊາດ. ພວກຂ້າພະເຈົ້າປາດຖະໜາຢາກ ເຊື່ອມຕໍ່ບັນດາສະຖານທີ່ທ່ອງທ່ຽວ ຫວຽດນາມ ກັບບັນດາສະຖານທີ່ທ່ອງທ່ຽວໃນພາກພື້ນ, ສ້າງເປັນບັນດາຜະລິດຕະພັນທ່ອງທ່ຽວທີ່ມີຫຼາຍຮູບຫຼາຍແບບ ແລະ ສ້າງຄວາມດຶງດູດແຂກທ່ອງທ່ຽວ.
ຮ່ວາຍນາມ, ນັກຂ່າວ VOV ປະຈຳພາກກາງ