ກອງປະຊຸມຂອງກຸ່ມບັນດາປະເທດອາຣັບ (ພາບ: RT/vov.vn)

ກອງປະຊຸມຈະໄດ້ຮັບການຈັດຕັ້ງຕາມຮູບການທາງອອນລາຍພາຍໃຕ້ການເປັນປະທານ ຂອງ ທ່ານ ລັດຖະມົນຕີກະຊວງການຕ່າງປະເທດ ໂອມານ. ໃນຕະຫຼອດໄລຍະທີ່ຜ່ານມາ. ເອຢິບໄດ້ມານະພະຍາຍາມແກ້ໄຂວິກິດການຢູ່ ລີບີ ແລະ ຢຸດຕິການແຊກແຊງຂອງບັນດາປະເທດຕ່າງໆເຂົ້າປະເທດນີ້. ເຖິງຢ່າງໃດກໍ່ຕາມ, ກຳລັງພາກຕາເວັນອອກ ແລະ ກຳລັງລັດຖະບານສາມັກຄີແຫ່ງຊາດ ຂອງທ່ານ Fayez al-Sarraj ນາຍົກລັດຖະມົນຕີ ໂດຍ ຕວັກກີໜູນຫຼັງຍັງຄົງມີຄວາມເຄັ່ງຕຶງທີ່ປີນຂັນໄດ. ມີຫຼາຍປະເທດໃນກຸ່ມອາຣັບບິ ໄດ້ສະໜັບສະໜູນເອຢິບໃນການປ້ອງກັນຊາຍແດນ, ຕ້ານລັດທິຫົວຮຸນແຮງ ແລະ ກ່າວປະນາມການແຊກແຊງເຂົ້າສະພາບການພາຍໃນຂອງລີບີແບບບໍ່ຖືກຕ້ອງຕາມກົດໝາຍຂອງປະເທດຕ່າງໆ.

        ໃນຂະນະນັ້ນ, ກອງທັບແຫ່ງຊາດ ລີບີໂດຍທ່ານນາຍພົນ Haftar ບັນຊາການປະກາດວ່າຈະຮັບມືກັບບໍ່ວ່າເປົ້າໝາຍໃດທີ່ນາບຂູ່ຕໍ່ຜືນແຜ່ນດິນຂອງລີບີ. ກອງທັບແຫ່ງຊາດ ລີບີເນັ້ນໜັກເຖິງການຮຸກຮານ ຂອງ ຕວັກກີ ແລະ ການຢຶດຄອງໂດຍກົງຂອງເຂົາເຈົ້າຢູ່ບັນດາຜືນແຜ່ນດິນຂອງລີບີແມ່ນໄພນາບຂູ່ດ້ານຄວາມໝັ້ນຄົງ ບໍ່ພຽງແຕ່ສຳລັບລີບີ, ເອຢິບ ແລະ ພາກພື້ນ ອາຣັບ ເທົ່ານັ້ນ ຫາກຍັງແມ່ນສຳລັບເອີລົບອີກດ້ວຍ.