ໃນຖະແຫຼງການທີ່ໄດ້ຍົກອອກຢູ່ ນະຄອນຫຼວງ Amman ຂອງ ຈໍແດນ ພາຍຫຼັງການເຈລະຈາລະຫວ່າງ ບັນດາຝ່າຍທີ່ເປັນປໍລະປັກກັນ ມາເປັນເວລາ 7 ວັນ, ຄະນະປະຕິບັດງານ ຂອງ ສປຊ ປະຈຳ ເຢແມນ ໃຫ້ຮູ້ວ່າ ທັງກຳລັງ Houthi ແລະ ລັດຖະບານ ເຢແມນ ລ້ວນແຕ່ຕັດສິນໃຈເລີ່ມດຳເນີນການແລກປ່ຽນບັນຊີລາຍຊື່ສະເລີຍເສິກທີ່ໃກ້ຈະໄດ້ຮັບການ ປ່ອຍຕົວຢ່າງທັນທີ. ຕາມ ສປຊ ແລ້ວ, ນີ້ຈະແມ່ນການແລກປ່ຽນທີ່ມີຂອບຂະໜາດໃຫຍ່ຢ່າງເປັນທາງການຄັ້ງທຳອິດນັບແຕ່ການປະທະກັນເກີດຂຶ້ນ.