(VOVWORLD) - ຕອນບ່າຍວັນທີ 23 ກໍລະກົດ ຢູ່ຮ່າໂນ້ຍ, ປະຕູຖານຂໍ້ມູນເອເລັກໂຕນິກລັດຖະບານ ຫວຽດນາມ ໄດ້ຈັດກອງປະຊຸມໂອ້ລົມສົນທະນາດ້ວຍຫົວຂໍ້ວ່າ: “ພ້ອມແລ້ວທີ່ຈະຮັບເອົານັກສຶກສາຕ່າງປະເທດກັບຄືນປະເທດມາຮ່ຳຮຽນ”.
ທີ່ກອງປະຊຸມໂອ້ລົມສົນທະນາ, ຜູ້ຕາງໜ້າບັນດາມະຫາວິທະຍາໄລ ລ້ວນແຕ່ໄດ້ຢັ້ງຢືນວ່າ ພ້ອມແລ້ວທີ່ຈະຮັບເອົາບັນດານັກສຶກສາຕ່າງປະເທດທີ່ມີຄວາມຕ້ອງການຮ່ຳຮຽນຢູ່ໂຮງຮຽນ ດ້ວຍຫລາຍຮູບການທີ່ແຕກຕ່າງກັນນ.
 ທີ່ກອງປະຊຸມໂອ້ລົມສົນທະນາ |
ຜູ້ຕາງໜ້າມະຫາວິທະຍາໄລແຫ່ງຊາດ ຮ່າໂນ້ຍ, ມະຫາວິທະຍາໄລສັບພະວິຊາ ຮ່າໂນ້ຍ ແລະ ມະຫາວິທະຍາໄລການຄ້າຕ່າງປະເທດໃຫ້ຮູ້ວ່າ: ບັນດາມະຫາວິທະຍາໄລລ້ວນແຕ່ໄດ້ປະກາດຜ່ານເວັບໄຊຂອງໂຮງຮຽນກ່ຽວກັບເລື່ອງຮັບເອົານັກສຶກສາຕ່າງປະເທດກັບຄືນມາຮ່ຳຮຽນ, ພ້ອມທັງ ເປີດເຜີຍບັນດາຂໍ້ມູນກ່ຽວກັບຫຼັກສູດການຮຽນ. ປະຈຸບັນ, ບັນດາມະຫາວິທະຍາໄລລ້ວນແຕ່ມີບັນດາຫຼັກສູດການຮຽນເປັນພາສາຕ່າງປະເທດ, ຫຼັກສູດສາກົນ, ຫຼັກສູດການຮຽນແບບເຊື່ອມຕໍ່ກັບບັນດາມະຫາວິທະຍາໄລຢູ່ຫລາຍປະເທດໃນໂລກ ເພື່ອໃຫ້ນັກສຶກສາຕ່າງປະເທດສາມາດເລືອກເຟັ້ນ.
ຕາມການສະຖິຕິຂອງກະຊວງສຶກສາ ແລະ ບຳລຸງສ້າງ ຫວຽດນາມ ແລ້ວ, ປັດຈຸບັນ ບັນດາມະຫາວິທະຍາໄລໃນທົ່ວປະເທດ ຫວຽດນາມ ມີ 352 ຫຼັກສູດເຊື່ອມຕໍ່ການຮຽນກັບຕ່າງປະເທດ, ໃນນັ້ນ ລະດັບປະລິນຍາຕີມີ 195 ຫຼັກສູດ, ລະດັບປະລິນຍາໂທມີ 150 ຫຼັກສູດ ແລະ ລະດັບປະລິນຍາເອກມີ 7 ຫຼັກສູດ.