ວັນທີ 18 ກຸມພາ, ທ່ານປະທານາທິບໍດີ ອີຣານ Hassan Rouhani ໄດ້ຖືວ່າບັນດາມາດຕະການລົງໂທດຂອງ ອາເມລິກາ ເລັ່ງໃສ່ ອີຣານ ແມ່ນສົງຄາມດ້ານເສດຖະກິດ, ພ້ອມທັງເໜັ້ນໜັກວ່າ ສົງຄາມດ້ານເສດຖະກິດ ຍາມໃດກໍຍາກກວ່່າສົງຄາມດ້ານການທະຫານ. ການນໍາ ອີຣານ ໄດ້ຍົກອອກຖະແຫຼງການດັ່ງກ່າວໃນບົດກ່າວປາໄສຢູ່ພິທີສະຫຼອງໂຄງການກໍ່ສ້າງໂຮງງານກັ່ນຕອງນໍ້າມັນ Persian Gulf Star ຢູ່ທາງພາກໃຕ້ນະຄອນ  Bandar Abbas ກໍ່ສ້າງສໍາເລັດໄລຍະ 3. ນີ້ແມ່ນຜົນງານທີ່ໜ້າເຄົາລົບ ເຊິ່ງ ອີຣານບັນລຸໄດ້ ໂດຍບໍ່ຫົວຊາຕໍ່ເລື່ອງ ອາເມລິກາ, ອິດສະຣາແອັນ ພ້ອມກັບບັນດາປະເທດພັນທະມິດ ເພີ່ມກໍາລັງກົດດັນ ຕໍ່ ອີຣານ.

       ຄວາມເຄັ່ງຕຶງລະຫວ່າງການພົວພັນລະຫວ່າງ ເຕເຮຣານ ແລະ ວໍຊິງຕັນ ເພີ່ມຂຶ້ນ ພາຍຫຼັງທີ່ທ່ານປະທານາທິບໍດີ ອາເມລິກາ Donald Trump ຕັດສິນໃຈຖອນຕົວອອກຈາກຂໍ້ຕົກລົງນິວເຄຼຍ ອີຣານ ເມື່ອເດືອນ ພຶຶດສະພາ 2018 ແລະ ຈັດວາງຄໍາສັ່ງລົງໂທດຄືນໃໝ່ຕໍ່ອີຣານ ແລະ ຝ່າຍ ອີຣານ ກໍໄດ້ຕໍາໜິຕິຕຽນບັນດາຄວາມຮຽກຮ້ອງຂອງ ອາເມລິກາ ແມ່ນບໍ່ອາດຍອມຮັບໄດ້.