ກອງປະຊຸມຂອງຄະນະກຳມະການຊອກຫາກູ້ໄພກູ້ຊີບ
(ພາບ: ສຳນັກຂ່າວສານຫວຽດນາມ)
(vovworld) – ຕອນເຊົ້າວັນທີ 16/6, ຢູ່ຮ່າໂນ້ຍ, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ເປັນປະທານກອງປະຊຸມຂອງຄະນະກຳມະການຊອກຫາກູ້ໄພກູ້ຊີບກ່ຽວກັບວຽກງານຊີ້ນຳບໍລິຫານວຽກງານຊອກຫາກູ້ໄພກູ້ຊີບແຕ່ປີ 2015 ມາຮອດປະຈຸບັນ ແລະ ບັນດາຊຸມເດືອນທ້າຍປີ. ທ່ານນາຍົກລັດຖະມົນຕີ ຫງວຽນຊວນຟຸກ ຊີ້ແຈ້ງວ່າ: ດ້ວຍຝັ່ງທະເລຍາວກ່ວາ 3.200 ກມ, ແຕ່ລະປີ, ຫວຽດນາມ ຕ້ອງປະສົບກັບໄພພິບັດທຳມະຊາດ ກໍ່ຄືການກະທົບຂອງການປ່ຽນແປງຈາກດິນຟ້າອາກາດ. ດັ່ງນັ້ນ, ຄວາມຮັບຜິດຊອບຂອງນາຍົກລັດຖະມົນຕີ ແລະ ບັນດາກະຊວງ, ຂະແໜງການແມ່ນຕ້ອງເອົາໃຈໃສ່ເຖິງວຽກງານຊອກຫາກູ້ໄພກູ້ຊີບ, ກູ້ເອົາຊີວິດມະນຸດ, ກູ້ເອົາຊັບສົມບັດຂອງປະຊາຊົນເມື່ອເກີດອຸບັດຕິເຫດ:
“ສິ່ງສຳຄັນນັ້ນແມ່ນຕ້ອງຍົກສູງສະຕິຂອງປະຊາຊົນ, ຂອງທຸກຂັ້ນ, ທຸກຂະແໜງການກ່ຽວກັບຈິດໃຈຢູ່ກັບທີ່ 4 ຢ່າງ (ແມ່ນບັນຊາຢູ່ກັບທີ່, ກຳລັງຢູ່ກັບທີ່, ວັດຖຸອຸປະກອນ, ຍານພາຫະນະຢູ່ກັບທີ່, ພະລາທິການຢູ່ກັບທີ່), ເພື່ອແກ້ໄຂ, ຮັບມືກັບໄພພິບັດທຳມະຊາດ. ຄະນະກຳມະການແຫ່ງຊາດຊອກຫາການກູ້ໄພກູ້ຊີບມີຄວາມຮັບຜິດຊອບອັນໃຫຍ່ຫຼວງຕໍ່ພໍ່ແມ່ປະຊາຊົນ, ນັກຮົບ ແລະ ປະຊາຊົນເມື່ອເກີດອຸບັດຕິເຫດ. ບັນດາກະຊວງ, ຂະແໜງການ, ທ້ອງຖິ່ນ ແລະ ຄະນະກຳມະການແຫ່ງຊາດຊອກຫາກູ້ໄພກູ້ຊີບມີຄວາມຮັບຜິດຊອບສູງກ່ວາ. ພິເສດ, ຄະນະກຳມະການແຫ່ງຊາດຊອກຫາກູ້ໄພກູ້ຊີບຕ້ອງຍົກສູງຄວາມຮັບຜິດຊອບເພື່ອແກ້ໄຂທຸກໆເຫດການເກີດຂຶ້ນໃນປະເທດຊາດ.”