ວັນທີ 15 ສິງຫາ, ການນຳຂອງພັກຊາດ Scotland (SNP) ຢູ່ອັງກິດ, ທ່ານນາງ Nicola Sturgeon ໃຫ້ຮູ້ວ່າ, ພັກຂອງທ່ານນາງ ແລະ ສະມາຊິກລັດຖະສະພາ 35 ທ່ານຂອງພັກນີ້ຈະພິຈາລະນາບໍ່ວ່າການເລືອກເຟັ້ນໃດໆເພື່ອແນໃສ່ສະກັດກັ້ນວິວັດທະນາການນຳອັງກິດ ຖອນຕົວອອກຈາກສະຫະພາບເອີລົບ (ອີຢູ), ຫຼື ເອີ້ນວ່າ Brexit, ຢູ່ສະພາແຫ່ງຊາດ. ກ່າວຄຳເຫັນຕໍ່ນັກຂ່າວສຳນັກສື່ມວນຊົນ BBC, ທ່ານນາງ Sturgeon ຊີ້ແຈ້ງວ່າ “ພວກຂ້າພະເຈົ້າຈະເຮັດວຽກກັບບໍ່ວ່າຜູ້ໃດ ແລະ ຈະພິຈາລະຈາບໍ່ວ່າການເລືອກເຟັ້ນໃດເພື່ອສະກັດກັ້ນ Brexit”. ທ່ານນາງໃຫ້ຮູ້ວ່າ, SNP ຈະບໍ່ປັດເຂ່ຍການສະໜັບສະໜູນຂອງການນຳພັກແຮງງານຝ່າຍຄ້ານ Jeremy Corbyn ແຕ່ເນັ້ນໜັກວ່າ ນັກການເມືອງຜູ້ນີ້ຕ້ອງຍົກອອກທັດສະນະຢ່າງຈະແຈ້ງກ່ຽວກັບ Brexit.

        ກ່ອນໜ້ານັ້ນ, ວັນທີ 14 ສິງຫາ, ທ່ານ Jeremy Corbyn ໄດ້ກະຕຸກຊຸກຍູ້ໃຫ້ສະພາແຫ່ງຊາດອັງກິດ ປົດຕຳແໜ່ງທ່ານນາຍົກລັດຖະມົນຕີອັງກິດ Boris Johnson ກ່ອນທີ່ການນຳຄົນໃໝ່ຂອງອັງກິດ ຈະປະຕິບັດການ Brexit ໂດຍບໍ່ມີຂໍ້ຕົກລົງ.