ທ່ານອະດີດເອກອັກຄະລັດຖະທູດ ອີຢິບ ປະຈຳ ຫວຽດນາມ Reda El Taify

ທ່ານເອກອັກຄະລັດຖະທູດ Taify ໃຫ້ຂໍ້ສັງເກດວ່າ: ປີ 2019 ຈະສະແດງໃຫ້ເຫັນບັນດາບາດລ້ຽວໃໝ່ໃນແຫຼມ ເກົາຫຼີ ພາຍຫລັງບັນດາຜົນສຳເລັດໃນປີຜ່ານມາ. ໄລຍະເຄັ່ງຕຶງລະຫວ່າງ ສ.ເກົາຫຼີ, ອາເມລິກາ ແລະ ສປປ.ເກົາຫຼີ ໄດ້ຜ່ານໄປແລ້ວ ແລະ ໄດ້ຫັນໄປສູ່ການເຈລະຈາ, ຄວາມເຊື່ອໝັ້ນ. ທ່ານເອກອັກຄະລັດຖະທູດ Taify ເນັ້ນໜັກວ່າ: ກອງປະຊຸມສຸດຍອດລະຫວ່າງ ອາເມລິກາ - ສປປ.ເກົາຫຼີ ຄັ້ງທີ 2 ຈະບັນລຸໄດ້ບັນດາໝາກຜົນຈະແຈ້ງ ຫຼື ບັນລຸໄດ້ຄວາມເຫັນດີເປັນເອກະພາບ ເພື່ອສິ້ນສຸດບັນດາຄວາມບໍ່ລົງລອຍກັນ. ຝ່າຍ ອາເມລິກາ ກໍ່ອາດຈະເຫັນດີຕໍ່ເລື່ອງຍົກເລີກບັນດາຄຳສັ່ງລົງໂທດສຳລັບ ສປປ.ເກົາຫຼີ ສວນໃດສ່ວນໜຶ່ງ. ສປປ.ເກົາຫຼີ ກໍ່ໃຫ້ຄຳໝັ້ນສັນຍາຢຸດຕິໂຄງການນິວເຄຼຍ, ຢຸດຕິການພັດທະນາລູກສອນໄຟ ຖ້າຫາກ ອາເມລິກາ ໃຫ້ຄຳໝັ້ນສັນຍາຈະລົງນາມໃນຂໍ້ຕົກລົງສັນຕິພາບໄລຍະຍາວຢູ່ແຫຼມ ເກົາຫຼີ ຄືດັ່ງໄດ້ເຈລະຈາກ່ອນນັ້ນ.