ພາບປະກອບ
(vovworld) – ຄະນະກຳມະການເອີລົບ (EC) ປາດຖະໜາຢາກສ້າງຕັ້ງລະບົບອີນເຕີເນັດເພື່ອຄຸ້ມຄອງການກວດຄົນເຂົ້າ - ອອກເມືອງ (EES) ຢູ່ເຂດຊາຍແດນນອກສະຫະພາບເອີລົບ (EU) ເພື່ອແນໃສ່ເພີ່ມທະວີລະບຽບການກວດກາສຳລັບພົນລະເມືອງຂອງປະເທດທີ 3 ເຂົ້າ EU. ກ່າວຄຳເຫັນຕໍ່ວົງການນັກຂ່າວເມື່ອວັນທີ 6/4, ຢູ່ ບຣຸກແຊນ ກ່ຽວກັບບັນດາຂໍ້ສະເໜີໃໝ່ຂອງ EC ໃນການຄຸ້ມຄອງບັນຫາຄົນເຂົ້າເມືອງ, ທ່ານ Dimitris Avramopoulos, ກຳມະການເອີລົບ, ຮັບຜິດຊອບການເຂົ້າເມືອງໄດ້ເນັ້ນໜັກວ່າ: ເລື່ອງນຳໃຊ້ເຕັກໂນໂລຢີໃໝ່ຈະຊ່ວຍໃຫ້ EU ຄຸ້ມຄອງຂະບວນຊາວອົບພະຍົບຈາກເຂດຊາຍແດນເຂົ້າ ເອີລົບ, ຕ້ານການເຂົ້າເມືອງຢ່າງຜິດກົດໝາຍ ແລະ ເພີ່ມທະວີຄວາມສະຫງົບພາຍໃນກຸ່ມໃຫ້ດີກ່ວາອີກ. ຕາມທ່ານ Dimitris Avramopoulos ແລ້ວ, ລະບົບຄຸ້ມຄອງການເຂົ້າ - ອອກເມືອງໃໝ່ນີ້ຈະແທນໃຫ້ການປະທັບກາດ້ວຍມືຄືປະຈຸບັນເຂົ້າໜັງສືຜ່ານແດນຂອງນັກທ່ອງທ່ຽວ ພ້ອມທັງຄຸ້ມຄອງເວລາອາໄສໄລຍະສັ້ນເຊິ່ງໄດ້ຮັບການອະນຸຍາດມີປະສິດທິຜົນກ່ວາ. ລະບົບໃໝ່ນີ້ຈະເພີ່ມທະວີການຄວບຄຸມເຂດຊາຍແດນແບບອັດຕະໂນມັດ ແລະ ພົບເຫັນບັນດາກໍລະນີໃຊ້ເອກະສານປອມໄດ້ດີກ່ວາ. ລະບົບການຄຸ້ມຄອງໃໝ່ນີ້ຈະນຳໃຊ້ສຳລັບພົນລະເມືອງປະເທດທີ 3 ທຸກໆຄົນທີ່ພວມຢູ່ອາໄສໃນໄລຍະສັ້ນຢູ່ເຂດ Schengen.