ທ່ານລັດຖະມົນຕີການຕ່າງປະເທດ ອາເມລິກາ John Kerry
ພົບປະກັບຄູ່ຕຳແໜ່ງ ລັດເຊຍ Sergei Lavrov
(ພາບປະກອບ AFP/TTXVN)
(vovworld) – ວັນທີ 07/12 ທ່ານລັດຖະມົນຕີການຕ່າງປະເທດ ອາເມລິກາ John Kerry ໄດ້ມີການພົບປະກັບຄູ່ຕຳແໜ່ງ ລັດເຊຍ Sergei Lavrov ຢູ່ ເຢຍລະມັນ ເຖິງຢ່າງໃດກໍ່ຕາມ 2 ຝ່າຍບໍ່ບັນລຸໄດ້ບາດກ້າວບຸກທະລຸໃນຄວາມມານະພະຍາຍາມຢຸດຊົ່ວຄາວທີ່ພວມເກີດຂຶ້ນຢູ່ນະຄອນ Aleppo ຢູ່ ຊີຣີ. ພາຍຫລັງການພົບປະ ທ່ານລັດຖະມົນຕີການຕ່າງປະເທດ ອາເມລິກາ Kerry ໃຫ້ຮູ້ວ່າ: 2 ຝ່າຍໄດ້ເຕື້ອງເຖິງ “ສະພາບການຮ້າຍແຮງຢ່າງຜິດປົກກະຕິຢູ່ Aleppo” ກໍ່ຄື “ແລກປ່ຽນບາງຄຳຄິດຄຳເຫັນ”. ກ່າວຄຳເຫັນທີ່ການພົບປະ, ທ່ານລັດຖະມົນຕີການຕ່າງປະເທດ ລັດເຊຍ Sergei Lavrov ໃຫ້ຮູ້ວ່າ: ໄດ້ເຫັນດີເປັນເອກະພາບ ແລະ ຮັບຮອງ “ການສະໜັບສະໜູນຂໍ້ສະເໜີຂອງ ອາເມລິກາ ໃນວັນທີ 02/12”, ລວມມີ ເລື່ອງຖອນກຳລັງຝ່າຍຄ້ານທັງໝົດອອກຈາກເຂດຕາເວັນອອກ Aleppo . ເຖິງຢ່າງໃດກໍ່ຕາມ ທ່ານລັດຖະມົນຕີການຕ່າງປະເທດ ອາເມລິກາ Kerry ໄດ້ປະຕິເສດບໍ່ວ່າການປ່ຽນແປງໃດໆ ໃນແຜນການນີ້.