ຕອນຄໍ່າວັນທີ 31 ມັງກອນ, ຢູ່ຮ່າໂນ້ຍ, ບໍລິສັດການບິນ ຟີລິບປິນ Airlines (PAL), ເຊິ່ງເປັນບໍລິສັດການບິນສາກົນທີ່ບັນລຸມາດຕະຖານລະດັບ 4 ດາວຂອງ ຟີລິບປິນ ໄດ້ຈັດຕັ້ງການຖະແຫຼງຂ່າວ ແນະນໍາກ່ຽວກັບສາຍການບິນໂດຍກົງໃໝ່ລະຫວ່າງ ນະຄອນຫຼວງຮ່າໂນ້ຍ (ຫວຽດນາມ) ແລະ ນະຄອນຫຼວງ ມານີລາ (ຟີລິບປິນ). ຕາມນັ້ນແລ້ວ, ແຕ່ວັນທີ 31 ມີນາ 2019, ອາທິດໜຶ່ງບໍລິສັດການບິນ ຟີລິບປິນ Airlines ຈະມີ 4 ຖ້ຽວບິນແຕ່ຮ່າໂນ້ຍ ໄປຫາ ມານີລາ ນັ້ນແມ່ນ ວັນຈັນ, ວັນອັງຄານ, ວັນພະຫັດ ແລະ ວັນເສົາ, ເລີ່ມບິນຂຶ້ນຈາກສະໜາມບິນສາກົນ ໂນ້ຍບ່າຍ (ຮ່າໂນ້ຍ) ໃນເວລາ 1 ໂມງ 45 ນາທີ ແລະ ລົງຈອດຢູ່ສະໜາມບິນສາກົນ Noy Aquino (ມານີລາ) ໃນເວລາ 5 ໂມງ 30 ນາທີ. ສ່ວນຖ້ຽວກັບ ຈະເລີ່ມບິນ ຈາກ ສະໜາມບິນສາກົນ Noy Aquino ແຕ່ເວລາ 22 ໂມງ 25 ນາທີ ຂອງມື້ວັນຈັນ, ວັນພຸດ, ວັນສຸກ ແລະ ວັນອາທິດ ແລະ ມາລົງຈອດຢູ່ສະໜາມບິນສາກົນໂນ້ຍບ່າຍ (ຮ່າໂນ້ຍ) ໃນເວລາ 00 ໂມງ 45 ນາທີ ດ້ວຍເຮືອບິນ Airbus A320, Airbus A321. ນອກຈາກ ສາຍການບິນ ຮ່າໂນ້ຍ - ມານີລາ ແລ້ວ, ບໍລິສັດການບິນ ຟີລິບປິນ Airlines ຍັງສືບຕໍ່ຮັກສາ 8 ຖ້ຽວບິນ ຕໍ່ ອາທິດ ລະຫວ່າງ ມານີລາ ແລະ ນະຄອນໂຮ່ຈີມິນ ໄວ້ເປັນປົກກະຕິ ດ້ວຍເຮືອບິນ Airbus A320/ Airbus A321.