(vovworld) - “ບໍ່ໄດ້ບັງຄັບອູແກຼນ ເລືອກເຟັ້ນລະຫວ່າງລັດເຊຍ ຫຼື ຝ່າຍຕາເວັນຕົກ”. ນີ້ແມ່ນຄຳຖະແຫຼງຂອງທ່ານລັດຖະມົນຕີການຕ່າງປະເທດລັດເຊຍ Sergei Lavrov ທີ່ການປະຊຸມຂ່າວຮ່ວມເມື່ອວັນທີ 25/02 ກັບຜູ້ຮ່ວມຕຳແໜ່ງ ລຸກຊຳບວກ ທ່ານ Jean Asselborn ພາຍຫຼັງການເຈລະຈາກ່ຽວກັບສະພາບການຢູ່ອູແກຼນ. ນີ້ແມ່ນຄຳກ່າວເຕື່ອນໃໝ່ສຸດຂອງມົດສກູ ວ່າ ສະຫະພາບເອີລົບ (EU) ແລະ ອາເມລິກາ ບໍ່ຄວນຊອກຫາວິທີຈັດວາງອະນາຄົດໃຫ້ອູແກຼນ. ຕາມທ່ານ Lavrov ແລ້ວ, ທັງລັດເຊຍ ແລະ ຝ່າຍຕາເວັນຕົກ ຄວນພົບປະກັບບັນດາກຳລັງການເມືອງຢູ່ອູແກຼນ ເພື່ອປຶກສາຫາລືກ່ຽວກັບມາດຕະການຫຼຸດຜ່ອນຄວາມເຄັ່ງຕຶງໃນປະຈຸບັນ, ຫາກບໍ່ຄວນຊອກຫາວິທີເພື່ອຜົນປະໂຫຍດຂອງຝ່າຍໃດໜຶ່ງ. ທ່ານລັດຖະມົນຕີການຕ່າງປະເທດ Lavrov ຍັງຢືນຢັນວ່າ ລັດເຊຍ ຮັກສາຫຼັກໝັ້ນບໍ່ແຊກແຊງ ເຂົ້າວຽກງານພາຍໃນຂອງອູແກຼນ ແລະ ຫວັງວ່າບັນດາຄູ່ຮ່ວມມືອື່ນໆໃນປະຊາຄົມໂລກກໍ່ມີການເຄື່ອນໄຫວເຊັ່ນດຽວກັນ.