ທ່ານຮອງນາຍົກລັດຖະມົນຕີ ຫງວຽນຊວນຟຸກ ກ່າວຄຳເຫັນ
ທີ່ກອງປະຊຸມ
ພາບ:chinhphu.vn
|
(vovworld)- ນີ້ແມ່ນຫນຶ່ງໃນບັນດາຫນ້າທີ່ທີ່ໄດ້ວາງອອກໃນກອງປະຊຸມທົ່ວປະເທດສະຫລຸບວຽກງານປີ 2013, ຜັນຂະຫຍາຍຫນ້າທີ່ປີ 2014 ຂອງຄະນະກຳມະການແຫ່ງຊາດກ່ຽວກັບການປ້ອງກັນຕ້ານໂລກ AIDS, ຢາເສບຕິດ, ໂສເພນີ ດຳເນີນໄປໃນຕອນເຊົ້າວັນທີ 10/1. ກ່າວຄຳເຫັນທີ່ກອງປະຊຸມ, ທ່ານຮອງນາຍົກລັດຖະມົນຕີ ຫງວຽນຊວນຟຸກ, ປະທານຄະນະກຳມະການແຫ່ງຊາດກ່ຽວກັບການປ້ອງກັນ ແລະ ຕ້ານໂລກ AIDS, ໄພຢາເສບຕິດ, ໂສເພນີ ໄດ້ເນັ້ນຫນັກວ່າ: ປີ 2014, ຄະນະກຳມະການແຫ່ງຊາດ ຈະອີງໃສ່ວົງຄະນາຍາດເພື່ອລະດົມກຳລັງແຮງຂອງທັງລະບົບການເມືອງ ແລະ ທົ່ວປວງຊົນ ເຂົ້າຮ່ວມວຽກງານປ້ອງກັນ ແລະ ຕ້ານໂລກ AIDS, ໄພຢາເສບຕິດ, ໂສເພນີ. ທ່ານຮອງນາຍົກລັດຖະມົນຕີ ສະເຫນີບັນດາອົງການຕຳຫລວດ, ໄອຍະການປະຊາຊົນ ແລະ ສານປະຊາຊົນທຸກຂັ້ນ ເພີ່ມທະວີວຽກງານສຳຫລວດ, ຟ້ອງສານ, ພິພາກສາບັນດາການກະທຳລະເມີດກົດໝາຍ, ກ່ຽວກັບການປ້ອງກັນ,ຕ້ານຢາເສບຕິດ, ໂສເພນີ. ກະຊວງແຮງງານ, ທະຫານເສຍອົງຄະ ແລະ ສັງຄົມ ເປັນເຈົ້າການສົມທົບກັບບັນດາກະຊວງ, ຂະແຫນງການ ແລະ ທ້ອງຖິ່ນຜັນຂະຫຍາຍແຜນຮ່າງປ່ຽນໃຫມ່ວຽກງານບຳບັດຢາເສບຕິດ. ຄະນະກຳມະການປະຊາຊົນບັນດາແຂວງ ຊາຍແດນ ປະຕິບັດບັນດາໂຄງການຢ່າງມີປະສິດທິຜົນ, ບົດບັນທຶກຊ່ວຍຈຳກ່ຽວກັບການປ້ອງກັນ, ຕ້ານຢາເສບຕິດ, ສຸມໃສ່ເຂົ້າໃນການຮ່ວມມືລົງທຶນຕໍ່ສູ້ຕ້ານການຄ້າຂາຍ, ຂົນສົ່ງຢາເສບຕິດຜ່ານຊາຍແດນ.