ພາບປະກອບ(vovworld) – ວັນທີ 16/3, ເຂົ້າຮ່ວມ ແລະ ກ່າວຄວາມເຫັນນະພິທີປຸກລະດົມ “ປີຄອບຄົວຫວຽດນາມ“ 2013 ດ້ວຍຫົວຂໍ້ວ່າ “ເຊື່ອມຕໍ່ຄວາມຮັກແພງ“, ທ່ານຮອງນາຍົກລັດຖະມົນຕີ ຫງວຽນທ້ຽນເຍິນ ໄດ້ຢືນຢັນວ່າ: ສ້າງຄອບຄົວໃຫ້ມີຄວາມອິ່ມໜຳສຳລານ, ມີຄວາມຜາສຸກ ແມ່ນຄາດໝາຍເຊິ່ງພັກ, ລັດ ແລະ ປະຊາຊົນທຸກຊັ້ນວັນນະໃນສັງຄົມຍາມໃດກໍ່ເອົາໃຈໃສ່. ປີ 2001, ທ່ານນາຍົກລັດຖະມົນຕີໄດ້ຕົກລົງຖືວັນທີ 28/6 ແມ່ນວັນຄອບຄົວຫວຽດນາມ. ນັບແຕ່ນັ້ນມາຮອດປະຈຸບັນ, ພັກ, ລັດຫວຽດນາມ ໄດ້ປະກາດໃຊ້ຫຼາຍນິຕິກຳ ເພື່ອກໍ່ສ້າງ ແລະ ເສີມຂະຫຍາຍບົດບາດຂອງຄອບຄົວຫວຽດນາມ:
“ໃນສະພາບເສດຖະກິດການຕະຫຼາດ, ການເຊື່ອມໂຍງເຂົ້າກັບສາກົນນັ້ນໄດ້ເປັນສິ່ງທ້າທາຍຫຼາຍຢ່າງໃຫ້ແກ່ການພັດທະນາຄອບຄົວຫວຽດນາມ. ປີຄອບຄົວຫວຽດນາມ 2013 ແມ່ນໂອກາດເພື່ອໃຫ້ພວກເຮົາແຕ່ລະຄົນ, ແຕ່ລະຄອບຄົວ, ແຕ່ລະອົງການ ຫວນຄືນວຽກງານຄອບຄົວບ່ອນທີ່ຕົນພວມດຳລົງຊີວິດ, ເລືອກເອົາບັນດາວຽກງານອັນຮີບດ່ວນ, ມີຄວາມໝາຍຍາວນານ ແລະ ແທດຈິງ, ຜ່ານນັ້ນສ້າງການຫັນປ່ຽນຢ່າງແຮງ ແລະ ສຳຄັນໃນການພັດທະນາຄອບຄົວຫວຽດນາມ“