ພິທີປຸກລະດົມການແຂ່ງຂັນສ້າງ ”ໄຊຊະນະດ້ຽນບຽນຝູທາງອາກາດ”
(ພາບ: qdnd.vn)
(vovworld) - ວັນທີ 12/11, ຢູ່ຮ່າໂນ້ຍ ໄດ້ດຳເນີນພິທີປຸກລະດົມການແຂ່ງຂັນສ້າງ ”ໄຊຊະນະດ້ຽນບຽນຝູທາງອາກາດ” ໃນທົ່ວກອງທັບ. ນີ້ແມ່ນໂອກາດເພື່ອໂຄສະນາໃຫ້ພະນັກງານ, ນັກຮົບ, ກຳມະກອນ, ພາລະກອນປ້ອງກັນປະເທດ ກ່ຽວກັບວິລະກຳຂອງທະຫານ ແລະ ປະຊາຊົນຫວຽດນາມໃນບັ້ນຮົບ 12 ວັນ ແລະ ຄືນ ”ຮ່າໂນ້ຍ - ໄຊຊະນະດ້ຽນບຽນຝູທາງອາກາດ”(ເດືອນ 12/1972); ກ່ຽວກັບຄວາມເອກອ້າງທະນົງໃຈຂອງຊາດ, ເຈດຈຳນົງປະຕິວັດບຸກໂຈມຕີ, ຈິດໃຈຕັດສິນໃຈສູ້ຮົບເພື່ອຍາດເອົາໄຊຊະນະຂອງກອງທັບ ແລະ ປະຊາຊົນຫວຽດນາມ, ໃນນັ້ນມີກອງທັບປ້ອງກັນອາກາດ - ກອງທັບອາກາດວິລະຊົນ. ດ້ານອື່ນເພື່ອແນໃສ່ເສີມຂະຫຍາຍເຈດຈຳນົງ, ຈິດໃຈ, ມານະຈິດ, ລັກສະນະເປັນເຈົ້າຕົນເອງ, ມີຫົວຄິດປະດິດສ້າງຂອງພະນັກງານ, ນັກຮົບແຕ່ລະຄົນໃນກອງທັບປ້ອງກັນອາກາດ, ກອງທັງອາກາດ ໃນການເຝຶກແອບ, ສະຕິລະວັງຕົວ, ກຽມພ້ອມສູ້ຮົບ, ປົກປັກຮັກສາເຂດນານຟ້າຂອງປະເທດຫວຽດນາມ ໃຫ້ມີຄວາມສະຫງົບຢ່າງໝັ້ນຄົງ.