( vovworld ) – ວັນທີ 26/4, ຢູ່ນະຄອນ ໂຮ່ຈິມິນ, ຄະນະກຳມະການປະຊາຊົນແຂວງ Khanh Hoa ໄດ້ຈັດຕັ້ງການປະຊຸມຂ່າວເພື່ອປຸກລະດົມການແຂ່ງຂັນຜົນງານດ້ານຂ່າວສານ ແລະ ແຕ່ງເພງກ່ຽວກັບຫົວຂໍ້ “ Truong Sa ແລະ ທະເລໝູ່ເກາະແຫ່ງບ້ານເກີດເມືອງນອນ Khanh Hoa ”. ເນື້ອໃນບັນດາຜົນງານດ້ານຂ່າວສານເຂົ້າຮ່ວມການເສັງແນະນຳ ແລະ ຍ້ອງຍໍສັນລະເສີນຄວາມງາມທຳມະຊາດ, ຄວາມສາມາດບົມຊ້ອນຂອງ Truong Sa ແລະ ບັນດາເຂດທະເລໝູ່ເກາະຂອງບ້ານເກີດເມືອງນອນ Khanh Hoa; ສ່ອງແສງ ແລະ ຍ້ອງຍໍສັນລະເສີນນ້ຳໃຈມິດຕະພາບຂອງບັນດາປະເທດ, ບັນດາເຜົ່າ ກໍຄືມູນເຊື້ອແຫ່ງການຕໍ່ສູ້, ເສຍສະຫຼະຊີວິດເພື່ອຊາດຂອງລຸ້ນພໍ່ ລຸ້ນອ້າຍນັບພັນປີມານີ້ ເພື່ອປົກປັກຮັກສາບັນດາເຂດທະເລ, ໝູ່ເກາະແຫ່ງສັກກະລະບຸຊາຂອງປະເທດຊາດ ແລະ ສ່ອງແສງບັນດາຜົນງານທີ່ໃຫຍ່ຫຼວງເຊິ່ງອົງຄະນະພັກ ແລະ ປະຊາຊົນແຂວງ Khanh Hoa ຍາດມາໄດ້ພາຍໃຕ້ການຊີ້ນຳນຳພາຂອງພັກກອມມູນິດຫວຽດນາມ ເພື່ອພາລະກິດສ້າງສາ ແລະ ປົກປັກຮັກສາອະທິປະໄຕທະເລໝູ່ເກາະອັນຄົບຖ້ວນ… ເປົ້າໝາຍເຂົ້າຮ່ວມການເສັງຄັ້ງນີ້ແມ່ນບັນດານັກດົນຕີ, ນັກຂ່າວອາຊີບ ແລະ ສະໝັກຫຼີ້ນທີ່ພວມດຳລົງຊີວິດ, ຮໍ່າຮຽນ, ເຮັດວຽກຢູ່ທັງພາຍໃນ ແລະ ຕ່າງປະເທດລ້ວນແຕ່ສາມາດຝາກບົດຂຽນເຂົ້າຮ່ວມການເສັງ. ກຳນົດເວລາຮັບບົດເສັງແມ່ນແຕ່ວັນທີ 30/4/2012 ຮອດວັດທີ 2/4/2013.