(VOVWORLD) - ຕອນບ່າຍວັນທີ 27 ເມສາ, ຢູ່ຮ່າໂນ້ຍ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ເຂົ້າຮ່ວມພິທີປຸກລະດົມເດືອນກຳມະກອນ - ເດືອນເຄື່ອນໄຫວເພື່ອຄວາມປອດໄພ, ຫຼັກອະນາໄມໃນການອອກແຮງງານ ປີ 2023.
 ພິທີປຸກລະດົມເດືອນກຳມະກອນ - ເດືອນເຄື່ອນໄຫວເພື່ອຄວາມປອດໄພ, ຫຼັກອະນາໄມໃນການອອກແຮງງານ ປີ 2023 (ພາບ: TTXVN) |
ກ່າວຄຳເຫັນນະທີ່ນີ້, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ເນັ້ນໜັ້ກເຖິງການສ້າງ ແລະ ພັດທະນາລະບົບສະຫວັດດີການສັງຄົມທີ່ທັນສະໄໝ, ຫຼາຍຊັ້ນ, ກວມລວມ ແລະ ຍືນຍົງ. ຊ່ວຍເຫຼືອແຮງງານແກ້ໄຂຄວາມຫຍຸ້ງຍາກ, ສິ່ງທ້າທາຍ, ຄວາມສ່ຽງ ແລະ ປັບຕົວໃຫ້ເຂົ້າກັບສະພາບການ ໄດ້ຢ່າງທັນການ. ເພີ່ມທະວີຄວາມຮັບຮູ້ກ່ຽວກັບຄວາມສຳຄັນ ແລະ ການຜັນຂະຫຍາຍວຽກງານຮັບປະກັນຄວາມປອດໄພ, ຫຼັກອະນາໄມໃນການອອກແຮງງານໃຫ້ແກ່ແຮງງານ ແລະ ຜູ້ນຳໃຊ້ແຮງງານ. ພ້ອມທັງສະແດງຄວາມປາດຖະໜາວ່າ:
“ດ້ວຍຄວາມຕັດສິນໃຈຢ່າງສູງ, ຄວາມມານະພະຍາຍາມຢ່າງໃຫຍ່ຫຼວງ ແລະ ນ້ຳໃຈພ້ອມກັນກະທຳ, ຂ້າພະເຈົ້າມີຄວາມປາດຖະໜາ ແລະ ເຊື່ອໝັ້ນວ່າ ອົງການກຳມະບານ ຫວຽດນາມ, ຂະແໜງແຮງງານ, ທະຫານເສຍອົງຄະ ແລະ ສັງຄົມ ແລະ ກຳມະກອນ, ພາລະກອນ, ແຮງງານໃນທົ່ວປະເທດ ຈະສືບຕໍ່ມານະພະຍາຍາມ, ເສີມຂະຫຍາຍມູນເຊື້ອ ແລະ ຜົນງານທີ່ບັນລຸໄດ້, ສູ້ຊົນຢ່າງເຕັມທີ ເພື່ອປະຕິບັດເປົ້າໝາຍ, ໜ້າທີ່ການເມືອງທີ່ໄດ້ຮັບການມອບໝາຍໃຫ້ເປັນຢ່າງດີ, ປະກອບສ່ວນຢ່າງແທດຈິງເຂົ້າໃນພາລະກິດຫັນປະເທດຊາດເປັນປະເທດອຸດສາຫະກຳ ແລະ ທັນສະໄໝ.
ຫວູຄວຽນ