ພາບປະກອບ

(vovworld) –  ວັນ​ທີ 20/5, ຢູ່ ຮ່າ​ໂນ້ຍ, ທ່ານ ບຸ່ຍ​ແທງ​ເຊີນ, ຮອງ​ລັດຖະມົນຕີ​ກະຊວງ​ການ​ຕ່າງປະ​ເທດ ຫວຽດນາມ ​ແລະ​ ທ່ານ Tone Skogen, ລັດຖະມົນຕີ​ກະຊວງ​ການ​ຕ່າງປະ​ເທດ ນອກ​ແວ ​ເປັນ​ປະທານ​ຮ່ວມ​ກາ​ນ​ປຶ​ກການ​ເມືອງ​ປະຈຳ​ປີ ຫວຽດນາມ - ນອກ​​ແວ ຄັ້ງ​ທີ 8. 2 ຝ່າຍ​ໄດ້​ເຫັນ​ດີ​ເປັນ​ເອກະສັນ​ເພີ່ມ​ທະວີ​ການ​ພົບ​ປະ ​ແລະ ​ແລກປ່ຽນ​ຄະນະ​ຜູ້​​ແທນທຸກ​ຂັ້ນ, ພິ​ເສດ​ແມ່ນ​ຂັ້ນ​ສູງ, ສ້າງ​ກຳລັງ​ໜູນ​ຊຸກຍູ້​ການ​ຮ່ວມ​ມື 2 ຝ່າຍ, ສືບ​ຕໍ່​ຜັນ​ຂະຫຍາຍ​ຂໍ້​ຕົກລົງ​ລະຫວ່າງ​ການ​ນຳ​ຂັ້ນ​ສູງ 2 ປະ​ເທດ​ເຊິ່ງ​ບັນລຸ​ໄດ້​ໃນ​ການ​ຢ້ຽມຢາມ ຫວຽດນາມ ຢ່າງ​​ເປັນ​ທາງ​ການ​ຂອງ​ທ່ານ​ນາຍົກລັດຖະມົນຕີນອກ​ແວ Erna Solberg ​ໃນ​ເດືອນ 4/2015, ພິ​ເສດ​ແມ່ນ​ເພີ່ມ​ທະວີ​ກາ​ນຮ່ວມ​ມື​ໃນ​ຂົງ​ເຂດ​ເສດຖະກິດ​ທະ​ເລ. 2 ຝ່າຍ​ກໍ່​ເຫັນ​ດີ​ເປັນ​ເອກະສັນ​ສືບ​ຕໍ່​ສົມທົບ​ກັນຢ່າງ​ແໜ້ນ​ແຟ້ນ, ຊຸກ​ຍູ້​ການ​ເຈລະຈາ​ສັນຍາ​ກາ​ນຄ້າ​ເສລີ (FTA) ລະຫວ່າງ ຫວຽດນາມ ກັບ​ບັນດາ​ປະ​ເທດ​​ເປັນ​ກຸ່ມການ​ຄ້າ​ເສລີ ​ເອີ​ລົບ (EFTA) ຕາມ​ການ​ກຳນົດ​ທິດ ​ແລະ ຫຼັກການ​ເຊິ່ງທັງ 2 ຝ່າຍ​ໄດ້​ເຫັນ​ດີ​ເປັນ​ເອກະສັນ​ເພື່ອ​ຍູ້​ແຮງ​ການ​ຮ່ວມ​ມື​ດ້ານ​ການ​ຄ້າ, ການ​ລົງທຶນ​ລະຫວ່າງ 2 ຝ່າຍ​ໃນ​ໄລຍະ​ຈະ​ມາ​ເຖິງ. ນອກ​ແວ​ສະ​ແດງ​ການ​ກຽມພ້ອມ​ສືບ​ຕໍ່​ໜູນ​ຊ່ວຍ ຫວຽດນາມ ກໍ່ສ້າງ ​ແລະ ຜັນ​ຂະຫຍາຍ​ແຜນການ​ປະຕິບັດ​ບັນດາ​ຈຸດໝາຍ​ພັດທະນາ​ແບບ​ຍືນ​ຍົງ (SDGs), ​ໃນ​ນັ້ນ​ມີ​ການ​ຮັບ​ມື​ກັບ​ການ​ປ່ຽນ​ແປງ​ຂອງ​ດິນ​ຟ້າ​ອາກາດ, ປົກ​ປັກ​ຮັກສາ​ປ່າ, ຄຸ້ມ​ຄອງ​ແຫຼ່ງຊັບພະຍາກອນ​ທຳ​ມະ​ຊາດ. 2 ຝ່າຍ​ກໍ່​ແລກປ່ຽນ​ກ່ຽວ​ກັບ​ບາງ​ບັນຫາ​ສາກົນ, ​ພາກ​ພື້ນ ​ແລະ ບັນດາ​ມາດ​ຕະການ​ເພີ່ມ​ທະວີ​ການ​ຮ່ວມ​ມື, ສົມທົບກັນ​ຢູ່​ບັນດາ​ເວທີ​ປາ​ໄສ​ຫຼາຍ​ຝ່າຍ ​ແລະ ອົງການ​ສາກົນ, ​ໃນ​ນັ້ນ​ມີ ສປຊ, ອາ​ຊຽນ ​ແລະ ​ເວທີ​ປ​າ​ໄສ ອາຊີ - ​ເອີ​ລົບ (ASEM).