ກອງປະຊຸມສະຫຼູບ ແລະ ພິທີສິ້ນສຸດປີທ່ອງທ່ຽວ 2021 - ຮວາລື, ນິງບິງ (ພາບ: VOV)

ປີທ່ອງທ່ຽວແຫ່ງຊາດ 2021 ດ້ວຍຫົວຂໍ້ “ຮວາລື - ກຸງເກົ່າພັນປີ” ເຊິ່ງເຂັ້ມຂຸ້ນ ໄປດ້ວຍວັດທະນະທຳເຂດພາກ, ປະກອບສ່ວນຊຸກຍູ້ຂະແໜງກທ່ອງທ່ຽວໃຫ້ມີການຟື້ນຟູ, ພັດທະນາ ແລະ ໂຄສະນາບັນດາຄຸນຄ່າວັດທະນະທຳ, ປະຫວັດສາດ, ທັດສະນີຍະພາບ ຢູ່ ນິງບິງ ເວົ້າສະເພາະ, ທົ່ວປະເທດເວົ້າລວມໃຫ້ນັກທ່ອງທ່ຽວຢູ່ພາຍໃນປະເທດ ແລະ ສາກົນຈຳນວນຫຼວງຫຼາຍ.

ທ່ານ ດວານວັນຫວຽດ ຮອງລັດຖະມົນຕີ ກະຊວງວັດທະນະທຳ, ກິລາ ແລະ ທ່ອງທ່ຽວ ຫວຽດນາມ ຕີລາຄາສູງຕໍ່ຄວາມມານະພະຍາຍາມຂອງແຂວງ ນິງບິງ ໃນການຕັດສິນໃຈຈັດຕັ້ງປີທ່ອງທ່ຽວແຫ່ງຊາດ 2021, ສະແດງໃຫ້ເຫັນດ້ວຍການຮັບມືຢ່າງມີໄຫວພິບ, ຈັດຕັ້ງພິທີເປີດປີທ່ອງທ່ຽວຖຶກຈຸດເວລາ, ສ້າງປະຖົມປັດໄຈໃຫ້ແກ່ການເຄື່ອນໄຫວ, ການດຳເນີນເຫດການໃນຂອບເຂດລາຍການປີທ່ອງທ່ຽວແຫ່ງຊາດ; ວຽກງານສົ່ງເສີມ, ໂຄສະນາກ່ຽວກັບການທ່ອງທ່ຽວຢູ່ ນິງບິງ ໄດ້ປະຕິບັດຢູ່ຫຼາຍຊ່ອງສື່ສານ ຢ່າງມີປະສິດທິຜົນ, ບັນດາການເຄື່ອນໄຫວ, ເຫດການໄດ້ຊ່ວຍໃຫ້ແຂວງ ນິງບິງ ຮັກສາການເຄື່ອນໄຫວນທ່ອງທ່ຽວຢູ່ພາຍໃນປະເທດ.

        ທ່ານຮອງລັດຖະມົນຕີ ກະຊວງວັດທະນະທຳ, ກິລາ ແລະ ທ່ອງທ່ຽວ ໄດ້ເນັ້ນໜັກວ່າ, ເພື່ອຈັດຕັ້ງປີທ່ອງທ່ຽວແຫ່ງຊາດ 2022 ຢູ່ແຂວງ ກວາງນາມ ໃຫ້ສຳເລັດນັ້ນ, ປີທ່ອງທ່ຽວແຫ່ງຊາດຕ້ອງໄດ້ຂະຫຍາຍຂອບຂະໜາດ, ມີເນື້ອໃນຫຼາກຫຼາຍຮູບແບບ, ເພີ່ມທະວີການຮ່ວມສຳພັນເພື່ອໃຫ້ສົມກັບເຫດການແຫ່ງຊາດທີ່ໃຫຍ່ທີ່ສຸດທາງດ້ານການທ່ອງທ່ຽວ; ສັນຍາລັກຂອງ ປີທ່ອງທ່ຽວແຫ່ງຊາດຕ້ອງສ້າງ ເຄື່ອງໝາຍການຄ້າຂອງທ້ອງຖິ່ນທີ່ເປັນເຈົ້າພາບຈັດຕັ້ງ ແລະ ຂອງເຂດໃຫ້ເປັນຮູບເປັນຮ່າງຢ່າງຈະແຈ້ງ, ປະກອບສ່ວນສ້າງຜະລິດຕະພັນ, ລາຍການທ່ອງທ່ຽວທີ່ເປັນເອກະລັກ, ສ້າງວິທີການຫາເງິນລ້ຽງຊີບໃຫ້ແກ່ປະຊາຊົນ.