(vovworld) – ​ ​ ຕອນ​ເຊົ້າ​ວັນ​ທີ 16/11, ຢູ່​ຮ່າ​ໂນ້ຍ, ກະຊວງ​ວັດທະນະທຳ, ກິລາ ​ແລະ ທ່ອງ​ທ່ຽວ ຫວຽດນາມ ​ແລະ ຄະນະ​ກຳມະການ​ປະຊາຊົນ​ແຂວງ ກຽນ​ຢາງ ​ໄດ້​ຈັດການປະຊຸມ​ຂ່າວ​ປະ​ກາດ​ປີ​ທ່ອງ​ທ່ຽວ​ແຫ່ງ​ຊາດ 2016 ຟູກ​໋ວກ - ທົ່ງພຽງ​ແມ່​ນ້ຳຂອງ. ຫົວຂໍ້ຂອງ​ປີ​ທ່ອງ​ທ່ຽວ​ແຫ່ງ​ຊາດ 2016 ​ແມ່ນ “ຄົ້ນ​ຫາ​ແຜ່ນ​ດິນ​ພາກ​ໃຕ້” ດ້ວຍ 65 ລາຍການ, ​ເຫ​ດການ ດຳ​ເນີນ​ໃນ​ຕະຫລອດ​ປີ 2016 ​ໂດຍ​ກະຊວງ​ວັດທະນະທຳ, ກິລາ ​ແລະ ທ່ອງ​ທ່ຽວ, 13 ​ແຂວງ ນະຄອນ​​ເຂດທົ່ງພຽງ​ແມ່​ນ້ຳຂອງ, 6 ​ແຂວງ ນະຄອນ​ຮ່ວມ​ສຳພັນກັນ​ຈັດ​ຕັ້ງ. ​ໃນ​ທ້າຍ​ເດືອນ 1/2016, ກຽນ​ຢາງ ຈະ​ຈັດ​ຕັ້ງ​ພິທີ​ປະກາດ​ປີ​ທ່ອງ​ທ່ຽວ​ແຫ່ງ​ຊາດ 2016 - ຟູກ໋ວກ - ທົ່ງພຽງ​ແມ່​ນ້ຳຂອງ, ຮັບ​ໃບ​ຮັບ​ຮອງ​ເຂດ Ramsar ປ່າ​ສະຫງວນ​ແຫ່ງ​ຊາດ ອູ​ມິ​ງ​ເທື້ອງ ຢູ່​ນະຄອນ ​ແຣກຢ໋າ. ທ່ານ ​ເຈີ່ນ​ຈີ໋ຢຸງ ຫົວໜ້າ​ພະ​ແນ​ກວັດທະນະທຳ, ກິລາ ​ແລະ ທ່ອງ​ທ່ຽວ ​ແຂວງ ກຽນ​ຢາງ ​ໃຫ້​ຮູ້​ວ່າ:

        “ ນີ້​ແມ່ນ​​ໂອກາດ ​ເພື່ອ​​ໃຫ້​ນັກທ່ອງ​ທ່ຽວ​ພາຍ​ໃນ​ປະ​ເທດ​ກໍ​ຄືນັກ​ທ່ອງ​ທ່ຽວ​ຕ່າງປະ​ເທດ ​ເຂົ້າ​ໃຈ​​ກ່ຽວ​ກັບ​ ຟູກ໋ວກ ຫລາຍ​ກ່ວາ ​ແລະ ​ເຫັນ​ວ່າ ຟູກ໋ວກ ຈະ​ແມ່ນ​​ຈຸດ​ນັດດ​ພົບ​ໃນ​ອະນາຄົດ. ​ເພາະສະ​ນັ້ນ ພວກ​ຂ້າພະ​ເຈົ້າ​ບໍ່​ຈັດ​ຕັ້ງ​ພິທີ​ໄຂ ​ແລະ ອັດ​ຢູ່​ໃຈກາງ​ປົກຄອງຂອງ​ແຂວງ, ພວກ​ຂ້າພະ​ເຈົ້າ​ຈະ​ຈັດ​ຕັ້ງ​ຢູ່​ເກາະ ຟູກ໋ວກ”