ທ່ານ ​ຫງວຽນ​ທ້ຽນ​ເຍີນ ປະທານ​ຄະນະ​ກຳມະການ​ ສູນ​ກາງ​ແນວ​ໂຮມ​ປະ​ເທດ​ຊາດ ຫວຽດນາມ (ພາບ:TTXVN)

(vovworld) – ​ຕອນ​ເຊົ້າ​ວັນ​ທີ 16/9, ຢູ່​ແຂວງ ​ໄທ​ງວຽນ ທ່ານ ​ຫງວຽນ​ທ້ຽນ​ເຍີນ ປະທານ​ຄະນະ​ກຳມະການ​ສູນ​ກາງ​ແນວ​ໂຮມ​ປະ​ເທດ​ຊາດ ຫວຽດນາມ ​ເປັນ​ປະທານ​ກອງ​ປະຊຸມ “​ເສີມ​ຂະຫຍາຍ​ບົດບາດ​ຜູ້​ມີ​ອິດ​ທິພົນ​ຊື່​ສຽງ​ໃນຊາວ​ຊົນ​ເຜົ່າ​ສ່ວນ​ໜ້ອຍ ​ແລະ ປະກອບ​ຄຳ​ເຫັນ​ໃສ່​ຮ່າງ​ເອກະສານ​ກອງ​ປະຊຸມ​ໃຫຍ່​ຄັ້ງ​ທີ 12 ຂອງ​ພັກ​ກອມ​ມູນິດ ຫວຽດນາມ ກ່ຽວ​ກັບ​​ເນື້ອ​ໃນ​ວຽກ​ງານ​ຊົນ​ເຜົ່າ”. ​ເມື່ອ​ປະກອບ​ຄຳ​ເຫັນ​ໃສ່​ຮ່າງ​ເອກະສານ​ດັ່ງ​ກ່າວ, ບັນດາ​ຜູ້​ແທນ​ສຸມ​ໃສ່​ຕີ​ລາຄາ​ເລື່ອງ​ເສີມ​ຂະຫຍາຍ​ກຳລັງ​ແຮງ​ກຸ່ມ​ກ້ອນ​ມະຫາ​ສາມັກ​ຄີ​ທົ່ວ​ປວງ​ຊົນ​ທັງ​ຊາດ ​ແລະ ທິດ​ທາງ, ໜ້າ​ທີ່, ​ເນື້ອ​ໃນ​ວຽກ​ງານ​ຊົນ​ເຜົ່າ​ໃນ​ຮ່າງ​ເອກະສານ​ກອງ​ປະຊຸມ​ໃຫຍ່​ຄັ້ງ​ທີ 12 ຂອງ​ພັກ. ກ່າວ​ຄຳ​ເຫັນ​ທີ່​ກອງ​ປະຊຸມ ທ່ານ ຫງວຽນ​ທ້ຽນ​ເຍີນ ​ເນັ້ນ​ໜັກ​ວ່າ: ຫວຽດນາມ ມີ 53 ຊົນ​ເຜົ່າ​ສ່ວນ​ໜ້ອຍ​ດ້ວຍຈຳນວນ​ປະຊາຊົນ 13 ລ້ານ​ຄົນ, ກວມ​ເກືອບ 15% ຈຳນວນປະຊາຊົນ​ທົ່ວ​ປະ​ເທດ ​ແມ່ນ​ກຳລັງ​ສຳຄັນ​ທີ່​ສຸດ.