ຕອນຄ່ຳວັນທີ 7 ກຸມພາ, ຢູ່ນະຄອນ ໂຮ່ຈີມິນ, ສະມາຄົມວິສາຫະກິດສິນຄ້າ ຫວຽດນາມ ທີ່ມີຄຸນນະພາບສູງໄດ້ຈັດຕັ້ງພິທີມອບນາມມະຍົດສິນຄ້າ ຫວຽດນາມ ທີ່ມີຄຸນນະພາບສູງປີ 2018 ໃຫ້ແກ່ 640 ວິສາຫະກິດ.

        ເປັນໜ້າສົນໃຈໃນການຍ້ອງຍໍຊົມເຊີຍໃນຄັ້ງນີ້ແມ່ນເພື່ອຕອບສະໜອງທ່າອ່ຽງເຊື່ອມໂຍງ ແລະ ຊ່ວຍວິສາຫະກິດສົ່ງອອກສິນຄ້າໄປຍັງບັນດາຕະຫຼາດຕ້ອງການຄຸນນະພາບສູງ, ຮັບປະກັນຫຼັກອະນາໄມດ້ານສະບຽງອາຫານ, ພ້ອມກັນນັ້ນສະມາຄົມວິສາຫະກິດສິນຄ້າ ຫວຽດນາມ ທີ່ມີຄຸນນະພາບສູງກໍ່ໄດ້ສ້າງຊຸດມາດຖານ, ພິຈາລະນາ ແລະ ມອບໃບຢັ້ງຢືນ “ສິນຄ້າ ຫວຽດນາມ ທີ່ມີຄຸນນະພາບສູງ - ໄດ້ມາດຖານເພື່ອເຊື່ອມໂຍງ” ໃຫ້ແກ່ 66 ວິສາຫະກິດໃນຂົງເຂດສະບຽງອາຫານ. ນີ້ແມ່ນທ່າໄດ້ປຽບ, ແມ່ນຄຳໝັ້ນໝາຍຢ່າງໜັກແໜ້ນ ກ່ຽວກັບຄຸນນະພາບຂອງບັນດາວິສາຫະກິດສະບຽງອາຫານໃນເງື່ອນໄຂຄວາມແກ່ງແຍ້ງກັບສິນຄ້າຕ່າງປະເທດຢ່າງແຮງຄືໃນປະຈຸບັນ.