(ພາບປະກອບ)
(vovworld) – ຕອນເຊົ້າວັນທີ 3/4, ຢູ່ ຮ່າໂນ້ຍ, ສະຖາບັນຄົ້ນຄ້ວາຄຸ້ມຄອງເສດຖະກິດສູນກາງ ສົມທົບກັບໂຄງການໜູນຊ່ວຍເຕັກນິກພະລາທິການເຂົ້າເປັນສະມາຊິກອົງການການຄ້າໂລກ (WTO) ໄດ້ຈັດຕັ້ງກອງປະຊຸມສຳມະນາ ປະກາດບົດລາຍງານ “ຕີລາຄາສັງລວມສະພາບການເສດຖະກິດສັງຄົມຫວຽດນາມ ພາຍຫຼັງ 5 ປີ ເຂົ້າເປັນສະມາຊິກອົງການການຄ້າໂລກ“. ບັນດຜົນງານໃນເບື້ອງຕົ້ນພາຍຫຼັງ 5 ປີ ເຂົ້າເປັນສະມາຊິກ WTO ໄດ້ຮັບການຕີລາຄາວ່າ ແມ່ນ “ແປ້ນຢັນ“ ເພື່ອໃຫ້ເສດຖະກິດຫວຽດນາມບືນຕົວຂຶ້ນ, ກາຍເປັນພື້ນຖານເສດຖະກິດທີ່ແຂງແຮງໃນພາກພື້ນ. ດຣ ຫວໍທິແທ່ງ, ຮອງຫົວໜ້າສະຖາບັນຄົ້ນຄ້ວາການຄຸ້ມຄອງເສດຖະກິດສູນກາງ, ເນັ້ນໜັກວ່າ:
“ການຄົ້ນຄ້ວາຂອງພວກຂ້າພະເຈົ້າບໍ່ພຽງແຕ່ສັງເກດໃນແງ່ມູມ WTO ເທົ່ານັ້ນ, ຫາກໃນແງ່ມູນບັນດາສັນຍາເຊິ່ງຫວຽດນາມ ໄດ້ລົງນາມ ແລະ ປະຕິບັດ. ແລະ ໃນວິທີສັງເກດຄືແນວນັ້ນ, ມັນມີບັນດາຈຸດພິເສດສຳຄັນ ທີ່ຮ່ວມສຳພັນນຳກັນ ເມື່ອສັງເກດບັນດາຂະແໜງ ແລະ ຂົງເຂດທີ່ລະອຽດ. ໝາຍຄວາມວ່າ ທ່າແຮງປຽບທຽບຂອງພວກເຮົາຢູ່ໃສ ແລະ ມີທ່າແຮງບໍ່, ແຕ່ທ່າແຮງນັ້ນແມ່ນບໍ່ທັນພຽງພໍເທື່ອ, ຫາກຕ້ອງສັງເກດມັນໃນແງ່ມູມຂອງພື້ນຖານເສດຖະກິດ ຕິດພັນກັບນະໂຍບາຍ, ໝາຍຄວາມວ່າລະດັບອາລັກຂາຕົວຈິງຂອງຫວຽດນາມ. “
ມີຫຼາຍຄວາມເຫັນຖືວ່າ, ບົດຮຽນທີ່ທອດຖອນມາໄດ້ພາຍຫຼັງ 5 ປີ ສຳລັບພື້ນຖານເສດຖະກິດຫວຽດນາມ ນັ້ນແມ່ນຕ້ອງຍົກສູງກຳລັງບົ່ມຊ້ອນໃນການແກ່ງແຍ້ງຂອງລັດ, ວິສາຫະກິດ ແລະ ຜະລິດຕະພັນ ດ້ວຍບັນດາມາດຕະການທີ່ແທດຈິງ, ໝູນໃຊ້ເຕັກໂນໂລຢີທີ່ກ້າວໜ້າ, ຄຽງຂ້າງນັ້ນຕ້ອງເອົາໃຈໃສ່ເປັນພິເສດເຖິງການພັດທະນາແຫຼ່ງຊັບພະຍາກອນມະນຸດ ຕອບສະໜອງຄວາມຮຽກຮ້ອງຕ້ອງການເຊື່ອມໂຍງກັບເສດຖະກິດໂລກ.