ປະຊາຄົມຊາວຫວຽດນາມ ອາໄສຢູ່ປະເທດຕ່າງໆ ໂຮມຊຸມນຸນຄັດຄ້ານການກະທຳຂອງຈີນ
(vovworld) – ຢູ່ນະຄອນ Osaka ແລະ Okayyama, ປະເທດຍີ່ປຸ່ນ, ມີຊາວຫວຽດນາມ ແລະ ຍີ່ປຸ່ນ ກວ່າ 1300 ຄົນ ໄດ້ເຂົ້າຮ່ວມການເດີນຂະບວນໃນວັນທີ 26/05. ຄະນະເດີນຂະບວນໄດ້ຍ່າງຕາມຖະໜົມສາຍຕ່າງໆໃກ້ກັບກົງສູນໃຫຍ່ຈີນ ປະຈຳ Osaka, ຍົກປ້າຍຄຳຂວັນດ້ວຍແຖວຕົວໜັງສື “ຫວຽດນາມ ຮັກຫອມສັນຕິພາບ”, “ຈີນ ຕ້ອງເຄົາລົບກົດໝາຍສາກົນ”… ໜັງສື່ພິມSankei ແລະ Asahi ລາຍວັນກໍ່ໄດ້ລົງພິມຂ່າວກ່ຽວກັບການເດີນຂະບວນດັ່ງກ່າວ. ປະທານສະມາຄົມຊາວໜຸ່ມ - ນັກສຶກສາຫວຽດນາມ ຢູ່ Okayyama, ທ່ານ ຟ້າມແທງຫາຍ ໃຫ້ຮູ້ວ່າ “ຜ່ານການເດີນຂະບວນນີ້, ພວກຂ້າພະເຈົ້າຢາກສົ່ງສານສັນຕິພາບເຖິງປະຊາຊົນຍີ່ປຸ່ນ ແລະ ເພື່ອນມິດສາກົນ. ພວກຂ້າພະເຈົ້າສະໜັບສະໜູນລັດຖະບານ ແລະ ປາດຖະໜາວ່າ ພວກເຮົາມີບັນດາມາດຕະການເດັດດ່ຽວເພື່ອປົກປັກຮັກສາອະທິປະໄຕຂອງ ປະເທດຊາດ”.
ນັກສຶກສາຫວຽດນາມ ພວມຮໍ່າຮຽນຢູ່ ຊິດນີ, ອົດສຕາລີ
ກ່າວປະນາມການກະທຳຂອງຈີນ
(ພາບ: vtc.vn)
ກອນໜ້ານັ້ນ, ວັນທີ 25/05, ປະຊາຄົມຊາວຫວຽດນາມ ແລະ ນັກສຶກສາຫວຽດນາມ ທີ່ພວມຮໍ່າຮຽນຢູ່ ຊິດນີ, ອົດສຕາລີ, ໄດ້ເຕົ້າໂຮມກັນຢູ່ສຳນັກງານອົງການບໍລິຫານ Town Hall ເພື່ອຄັດຄ້ານການກະທຳຂອງຈີນ ທີ່ນຳຮ້ານເຈາະນ້ຳມັນ ໄຮຢາງ 981, ບັນດາກຳປັ່ນປະກອບອາວຸດ ແລະ ເຮືອບິນເຂົ້າເຂດເສດຖະກິດຈຳເພາະ (EEZ) ຂອງຫວຽດນາມ, ລະເມີດອະທິປະໄຕ ແລະ ສິດອຳນາດສານຂອງຫວຽດນາມ ໃນ EEZ ແລະ ໄຫຼ່ທະວີບຂອງຫວຽດນາມ. ມີກວ່າ 300 ຄົນ ໄດ້ຍົກທຸງຊາດຂອງຫວຽດນາມ ແລະ ປ້າຍຄຳຂວັນຢືນຢັນອະທິປະໄຕຂອງຫວຽດນາມ ສຳລັບໝູ່ເກາະຮ່ວາງຊາ ແລະ ເຈື່ອງຊາ, ກ່າວປະນາມການກະທຳຂອງຈີນ ແລະ ຮຽກຮ້ອງລັດຖະບານປະເທດນີ້ຕ້ອງມີການກະທຳດ້ວຍຄວາມຮັບຜິດຊອບ, ເຄົາລົບກົດໝາຍສາກົນ, ຖອນຮ້ານເຈາະນ້ຳມັນອອກຈາກເຂດເສດຖະກິດຈຳເພາະ ແລະ ໄຫຼ່ທະວີບຂອງຫວຽດນາມ ໃນທັນທີ.
ແລະກໍ່ໃນວັນດຽວກັນ, ຢູ່ສະໜາມຫຼວງ Triangeln, ໃຈກາງນະຄອນ Malmo, ທາງພາກໃຕ້ຊູແອດ, ມີຊາວຫວຽດນາມ ອາໄສຢູ່ຊູແອດ ປະມານ 400 ຄົນ ໄດ້ເຂົ້າຮ່ວມການເດີນຂະບວນເພື່ອຄັດຄ້ານບັນດາການກະທຳຂອງຈີນ ຢູ່ເຂດເສດຖະກິດຈຳເພາະ ແລະ ໄຫຼ່ທະວີບຂອງຫວຽດນາມ. ພັກກອມມູນິດ ຊູແອດ ຢູ່ເຂດ Malmo ໄດ້ຈັດສົ່ງຜູ້ຕາງໜ້າເຂົ້າຮ່ວມການແຫ່ຂະບວນປະທ້ວງເພື່ອສະແດງຄວາມສາມັກຄີ ແລະ ສະໜັບສະໜູນປະຊາຊົນຫວຽດນາມ ໃນການຕໍ່ສູ້ຍາດເອົາຄວາມເປັນທຳ ຕ້ານບັນດາການກະທຳທີ່ຜິດພາດຂອງຈີນ.
(ພໍ່ແມ່ປະຊາຊົນຊາວຫວຽດນາມ ທີ່ພວມດຳລົງຊີວິດ, ເຮັດວຽກ ແລະ ຮໍ່າຮຽນຢູ່ມາເລເຊຍ
ກ່າວປະນາມການກະທຳຂອງຈີນ) ແລະກໍ່ໃນຕອນເຊົ້າວັນທີ 25/05, ພໍ່ແມ່ປະຊາຊົນຊາວຫວຽດນາມ ທີ່ພວມດຳລົງຊີວິດ, ເຮັດວຽກ ແລະ ຮໍ່າຮຽນຢູ່ມາເລເຊຍ ໄດ້ເດີນຂະບວນຢ່າງສັນຕິພາບຢູ່ນອກສະຖານທູດຈີນ ປະຈຳນະຄອນຫຼວງ Kuala Lumpur ເພື່ອຄັດຄ້ານການກະທຳຂອງຈີນ ທີ່ຕັ້ງຮ້ານເຈາະນ້ຳມັນໄຮຢາງ ຢ່າງຜິດກົດໝາຍໃນເຂດເສດຖະກິດຈຳເພາະ ແລະ ໄຫຼ່ທະວີບຂອງຫວຽດນາມ. ຜູ້ຕາງໜ້າປະຊາຄົມຊາວຫວຽດນາມ ປະຈຳມາເລເຊຍ ໄດ້ສົ່ງຈົດໝາຍຄັດຄ້ານໃຫ້ເຖິງສະຖານທູດຈີນ ປະຈຳມາເລເຊຍ, ຮຽກຮ້ອງຝ່າຍຈີນ ຖອນຮ້ານເຈາະນ້ຳມັນໄຮຢາງ 981 ພ້ອມກັບກຳປັ່ນປ້ອງກັນທັງໝົດ ອອກຈາກເຂດເສດຖະກິດຈຳເພາະ ແລະ ໄຫຼ່ທະວີບຂອງຫວຽດນາມ ໃນທັນທີ. ໃນຈົດໝາຍຄັດຄ້ານ, ປະຊາຄົມຊາວຫວຽດນາມ ປະຈຳມາເລເຊຍ ກໍ່ຮຽກຮ້ອງບັນດາປະເທດອາຊີຕາເວັນອອກສ່ຽງໃຕ້ ກໍ່ຄືປະເທດຕ່າງໆໃນໂລກ ຮ່ວມກັບປະຊາຊົນຫວຽດນາມ ໃນຄວາມມານະພະຍາຍາມເພື່ອສັນຕິພາບ ແລະ ວັດທະນາຖາວອນລວມ.