ລາຍການລະດູບານໃໝ່ແຫ່ງບ້ານເກີດເມືອງນອນ (ພາບ: TTXVN)

ຕອນຄ່ຳວັນທີ 4 ກຸມພາ, ສະຖານທູດ ຫວຽດນາມ ປະຈຳ ມາເລເຊຍ ໄດ້ຈັດຕັ້ງລາຍການພົບປະຕົ້ນລະດູບານໃໝ່ປີແມວ 2023 ຢູ່ສຳນັກງານຂອງສະຖານທູດຫວຽດນາມ ປະຈຳນະຄອນຫຼວງ Kuala Lumpur. ກ່າວຄຳເຫັນທີ່ການພົບປະ, ທ່ານນາງອຸປະທູດ ຫວຽດນາມ ປະຈຳ ມາເລເຊຍ ຫງວຽນທິງອກແອັງ ໄດ້ຕີລາຄາສູງປະຊາຄົມຊາວຫວຽດນາມ ອາໄສຢູ່ມາເລເຊຍ ຍາມໃດກໍ່ສະໜິດຕິດພັນກັບບ້ານເກີດເມືອງນອນປະເທດຊາດ ແລະ ມີການເຄື່ອນໄຫວທີ່ອຸດົມສົມບູນ, ແທດຈິງຫຼາຍຢ່າງເພື່ອປະກອບສ່ວນເຫື່ອແຮງ, ສະຕິປັນຍາ ຊ່ວຍເຫຼືອພໍ່ແມ່ປະຊາຊົນພາຍໃນປະເທດ. ອຸປະທູດ ຫວັງວ່າປະຊາຄົມຊາວຫວຽດນາມ ນັບມື້ນັບມີຄວາມສາມັກຄີ, ການດຳລົງຊີວິດນັບມື້ນັບດີຂຶ້ນ, ເຊື່ອມຕົວເຂົ້າກັບການດຳລົງຊີວິດຂອງບ້ານເກີດເມືອງນອນແຫ່ງທີ 2 ຂອງຕົນໃຫ້ເປັນຢ່າງດີ. ແລະ ກໍ່ໃນຕອນບ່າຍວັນດຽວກັນ, ສະຖານກົງສູນໃຫຍ່ ຫວຽດນາມ ປະຈຳ Sydney (ອົດສະຕາລີ) ໄດ້ຈັດຕັ້ງລາຍການ “ລະດູບານໃໝ່ແຫ່ງບ້ານເກີດເມືອງນອນ 2023”.