ທ່ານເອກອັກຄະລັດຖະທູດ ຟ້າມບິ່ງມີງ ກ່າວຄຳເຫັນທີ່
ງານລາຕີລະດູບານໃໝ່ 2016
(ພາບ: tgvn.com.vn)

(vovworld) – ​    ຄະນະ​ຕິດ​ຕໍ່​​ຊາວ ຫວຽດນາມ ຢູ່ ອາຣັບ ​ເອມີ​ເຣັດ ຢູ​ໃນ​ເຕັບ (UAE) ຫາ​ກໍ່​ສະ​ເໝີ​ຕົວຢ່າງ​ເປັນ​ທາງ​ການ ດ້ວຍພາລະ​ໜ້າ​ທີ່ເຊື່ອມ​ຕໍ່, ໜູນ​ຊ່ວຍ​ປະຊາ​ຄົມ, ອະນຸລັກ​ຮັກສາ​ວັດທະນະທຳ, ພາສາ​ຫວຽດນາມ ​ແລະ ​ເຊື່ອມ​ຕໍ່​ປະຊາ​ຄົມ​ກັບ​ສະຖານທູດ ​ແລະ ບັນດາ​ອົງການສຳນັກງານທີ່​ກ່ຽວຂ້ອງ​ພາຍ​ໃນ​ປະ​ເທດ. UAE ​ແມ່ນ​ໃຈກາງ​ເສດຖະກິດ, ການ​ຄ້າ ​ແລະ ການ​ເງິນ​ໃຫຍ່​ກ່ວາ​ໝູ່ຂອງ​ຕາ​ເວັນ​ອອກ​ກາງ ດ້ວຍ​ພື້ນຖານ​ເສດຖະກິດ​ພັດທະນາ​ຫລາຍ​ຮູບ​ຫລາຍ​ແບບ, ຂອບ​ຂະໜາດ​ເສດຖະກິດ​ໃຫຍ່, ລະດັບ​ເຕີບ​ໂຕ​ສູງ ​ແລະ ລຽນຕິດ ດ້ວຍ​ກຳລັງ​ແຮງ​ງານ​ຕົ້ນຕໍ​ໃນ​ພື້ນຖານ​ເສດຖະກິດ​ແມ່ນ​ຊາວ​ຕ່າງປະ​ເທດ. ຍິ່ງ​ກ່ວານັ້ນ​ ໂດຍ​ແມ່ນ​ປະ​ເທດ​ອິດສະ​ລາມ ​ແຕ່​ວ່າ UAE ພັດເຄົາລົບວັດທະນະທຳ, ສາສະໜາ​ຫລາຍ​ຮູບ​ຫລາຍ​ແບບ, ສັງຄົມ​ເປີດ​ອົກ​ເປີດ​ໃຈ. ​ເພາະສະ​ນັ້ນ ພາກ​ພື້ນ​ນີ້ ພວມ​ແມ່ນ​ສະຖານ​ທີ່​ໄດ້​ຮັບ​ຄວາມ​ສົນ​ໃຈ​ຂອງ​ຄົນ​ງານ ຫວຽດນາມ. ປະຈຸ​ບັນ, ຄາດ​ວ່າ​ມີ​ຜູ້​ອອກ​ແຮງ​ງານ ຫວຽດນາມ ປະມານ​ເກືອບ 6000 ຄົນ ພວມ​ອອກ​ແຮງ​ງານ, ດຳລົງ​ຊີວິດ​ຢູ່ UAE. ​​ໂດຍ​ເລີ່​ມມາ​ຈາກເຄື່ອນພົນ​ຈາກ​ຄວາມ​​ຕ້ອງການ​ການ​ເຊື່ອມ​ຕໍ່, ຊ່ວຍ​ເຫຼືອ ​ແລະ​ ​ແລກປ່ຽນ​ຂໍ້​ມູນ​ຂ່າວສານ, ປະຈຸ​ບັນ ​ໃນ​ປະຊາ​ຄົມ​ຊາວ​ ຫວຽດນາມ ຢູ່ UAE ​ໄດ້ປະກົດມີ​ບາງ​ກຸ່ມ, ສະມາຄົມ​ ​ແຕ່​ຍັງ​ບໍ່​ທັນ​ມີ​ຄວາມສະໜິດ​ຕິ​ດພັນຢ່າງ​ແໜ້ນ​ແຟ້ນ​ເທື່​ອ. ​ເພາະສະ​ນັ້ນ, ​ເລື່ອງ​ສ້າງ​ຕັ້ງ​ຄະນະ​ຕິດ​ຕໍ່​ ​ແມ່ນ​ການ​ເຕີບ​ໃຫຍ່​​ດ້ານ​ການຈັດ​ຕັ້ງ, ​ເພື່ອ​ແນ​ໃສ່​ຕອບ​ສະໜອງ​ຄວາມ​ຕ້ອງການຂອງ​ພໍ່ແມ່​ປະຊາຊົນ​ຈຳນວນຫລວງຫລາຍ​ໃນການ​ດຳລົງ​ຊີວິດ ກໍ່​ຄື​ໃນ​ວຽກ​ງານ.