ປະຊາຊົນຊາວຫວຽດນາມ ອາໄສຢູ່ໂປໂລຍ ສະໜັບສະໜູນກຳລັງ ກວດກາການປະມົງ ແລະ ຕຳຫຼວດທະເລຫວຽດນາມ
(ພິທີມອບຮັບເງິນບໍລິຈາກ)
(vovworld) – ຕອນບ່າຍວັນທີ 03/06, ຜູ້ຕາງຫນ້າປະຊາຄົມຊາວຫວຽດນາມ ຢູ່ ໂປໂລຍ ໄດ້ມອບຈຳນວນເງິນ 300 ລ້ານດົງເພື່ອສະໜັບສະໜູນກຳລັງກວດກາການປະມົງ ແລະ ຕຳຫຼວດທະເລຫວຽດນາມ ທີ່ພວມປະຕິບັດໜ້າທີ່ປົກປັກຮັກສາເຂດເສດຖະກິດຈຳເພາະ ແລະ ໄຫຼ່ທະວີບຂອງຫວຽດນາມ. ທ່ານ ຫງວຽນວັນເທີດ, ກຳມະການຄະນະບໍລິຫານງານຊາວຫວຽດນາມອາໄສຢູ່ ໂປໂລຍ, ຜູ້ທີ່ເຂົ້າຮ່ວມການບໍລິຈາກໃຫ້ຮູ້ວ່າ.
“ເຖິງວ່າເສດຖະກິດໂລກພວມຊຸດໂຊມ, ການທຳມາຫາກິນຂອງພໍ່ແມ່ປະຊາຊົນຍັງປະສົບກັບຄວາມຫຍຸ້ງຍາກກໍ່ຕາມ, ແຕ່ເມື່ອພວກຂ້າພະເຈົ້າໄປຮອດໃສ ພໍ່ແມ່ປະຊາຊົນຂອງພວກເຮົາກໍ່ລ້ວນແຕ່ສະໝັກໃຈບໍລິຈາກເງິນສະໜັບສະໜູນ ແລະ ຮອດມື້ນີ້, ພວກຂ້າພະເຈົ້າໄດ້ນຳເອົາເງິນບໍລິຈາກສ່ວນໜຶ່ງມາຊ່ວຍເຫຼືອດ້ານວັດຖຸໃຫ້ແກ່ພະນັກງານນັກ ຮົບ ທີ່ພວມປະຕິບັດໜ້າທີ່ຢູ່ທະເລ, ໝູ່ເກາະ”.
ທີ່ພິທີມອບຮັບເງິນບໍລິຈາກ, ພົນຈັດຕະວາ ຮ່ວາງວັນດົ່ງ, ຮອງຫົວໜ້າກຳມະການ ການເມືອງ, ກອງບັນຊາການຕຳຫຼວດທະເລຫວຽດນາມຢືນຢັນວ່າ, ເຖິງວ່າຍັງປະສົບກັບຄວາມຫຍຸ້ງຍາກ, ການທ້າທາຍຫຼາຍຢ່າງກໍ່ຕາມ, ແຕ່ກຳລັງກວດກາການປະມົງ ແລະ ຕຳຫຼວດທະເລຈະປະຕິບັດບັນດາໜ້າທີ່ເຊິ່ງໄດ້ຮັບມອບໝາຍ ແລະ ເດັດດ່ຽວປົກປັກຮັກສາທະເລ, ໝູ່ເກາະແຫ່ງສັກກະລະບູຊາຂອງປະເທດຊາດໄວ້ຢ່າງໝັ້ນຄົງ.