(ກອງປະຊຸມໃຫຍ່ຄັ້ງທີ 12 ຂອງພັກ)
(vovworld) - ເມື່ອປຶກສາຫາລືກ່ຽວກັບວຽກງານບຸກຄະລາກອນຄະນະບໍລິຫານງານສູນກາງພັກຊຸດທີ 12 ແມ່ນວຽກງານສຳຄັນທີ່ສຸດຂອງກອງປະຊຸມໃຫຍ່, ດຶງດູດຄວາມສົນໃຈຢ່າງເລິດເຊິ່ງຂອງສະມາຊິກພັກ ແລະ ປະຊາຊົນ. ເລື່ອງວາງແຜນກຳນົດພະນັກງານຂັ້ນຍຸດທະສາດກໍ່ໄດ້ຮັບການຜັນຂະຫຍາຍຢ່າງຄົບຊຸດ, ແທດຈິງ, ປະຊາທິປະໄຕ, ເປີດເຜີຍ, ກະຈ່າງແຈ້ງ. ທ່ານ ຫງວຽນວັນທ໋ຽດ ຢູ່ນະຄອນຫລວງ ຮ່າໂນ້ຍ ເປີດເຜີຍວ່າ:
“ ປະຊາຊົນມີຄວາມຫວັງວ່າ: ບັນດາຜູ້ໄດ້ຮັບການເລືອກຕັ້ງເຂົ້າສູນກາງພັກສະໄໝທີ 12 ຕ້ອງແມ່ນບັນດາຜູ້ມີຄຸນສົມບັດ ມີຄວາມເກັ່ງກ້າສາມາດ ສຸດຈິດສຸດໃຈ ເພື່ອປະຊາຊົນ ແລະ ປະເທດຊາດ, ບໍ່ສະແຫວງ ຫາຜົນປະໂຫຍດສ່ວນຕົວ, ຜົນປະໂຫຍດ ກຸ່ມ. ຂ້າພະເຈົ້າເຊື່ອໝັ້ນວ່າ ກອງປະຊຸມໃຫຍ່ຄັ້ງທີ 12 ຂອງພັກ ຈະເລືອກຕັ້ງບັນດາຜູ້ສົມເປັນຕົວແທນຂອງປະຊາຊົນ ເພື່ອຮັບໃຊ້ປະເທດຊາດ”
ສ່ວນທ່ານ ເຈິ່ນເຕີ໋ນເງີ່ຍ ຮອງປະທານຜູ້ປະຈຳການຄະນະກຳມະການສູນກາງແນວໂຮມປະເທດຊາດ ຫວຽດນາມ ມີຄຳເຫັນວ່າ:
“ ຫາງສຽງໄດ້ຕີລາຄາວ່າ: ກອງປະຊຸມໃຫຍ່ຂອງພັກຄັ້ງນີ້ ເຮັດວຽກງານບຸກຄະລາກອນຢ່າງລະອຽດທີ່ສຸດ ແລະ ມີປະຊາທິປະໄຕ. ຂ້າພະເຈົ້າຄິດວ່າ: ດ້ວຍການກະກຽມເປັນຢ່າງດີ, ກອງປະຊຸມໃຫຍ່ຈະເລືອກຕັ້ງບັນດາຜູ້ທີ່ມີຄວາມເກັ່ງກ້າສາມາດ, ຮັບຄວາມໄວ້ເນື້ອເຊື່ອໃຈຈາກປະຊາຊົນເຂົ້າໃນຄະນະບໍລິການງານສູນກາງພັກ.”