ປະຕິກິລີຍາຂອງຫວຽດນາມຕໍ່ໜ້າເລື່ອງ ກຳປັ່ນຫາປາ QNg 90917 TS ຖືກກຳປັ່ນຈີນຕຳ

ວັນຈັນ ທີ 27 ພຶດສະພາ ຄ.ສ. 2013 | 22:34:02

ໂຄສົກກະຊວງການຕ່າງປະເທດຫວຽດນາມ, ທ່ານເລືອງແທງງິ

Vovworld- ວັນທີ 20/5, ກຳປັ່ນຫາປາເລກໝາຍ QNg 90917 TS ຊອງແຂວງກວາງງ້າຍພ້ອມກັບຊາວປະມົງ 15 ຄົນພວມເຄື່ອນໄຫວອາຊີບການປະມົງເປັນປົກກະຕິຢູ່ບໍລິເວນນອນໃນເຂດເສດຖະກິດພິເສດ, ເຂດໄຫຼ່ທະວີບຂອງຫວຽດນາມ ໄດ້ຖືກບັນດາກຳປັ່ນຂອງຈີນຂັດຂວາງ. ຮ້າຍແຮງກ່ວານັ້ນ, ກຳປັ່ນຂອງຈີນເລກໝາຍ 264 ໄດ້ຕຳໃສ່ ກຳປັ່ນຫາປາເລກໝາຍ QNg 90917 TS ອັນໄດ້ກຳປັ່ນລຳນີ້ຖືກເປເພ ແລະ ນາບຂູ່ຊີວິດອີນຊີຂອງຊາວປະມົງໃນກຳປັ່ນ.

ປະຕິກິລີຍາຂອງຫວຽດນາມຕໍ່ໜ້າເຫດການນີ້, ວັນທີ 27/5 ໂຄສົກກະຊວງການຕ່າງປະເທດຫວຽດນາມ, ທ່ານເລືອງແທງງິ ໃຫ້ຮູ້ວ່າ : “ ພາຍຫຼັງທີ່ມີການຢັ້ງຢືນຂອງບັນດາອົງການທີ່ມີໜ້າທີ່ຮັບຜິດຊອບ ເມືອ່ວັນທີ 26/5, ຜູ້ຕ່າງໜ້າ ກະຊວງການຕ່າງປະເທດຫວຽດນາມໄດ້ພົບປະກັບຜູ້ຕ່າງໜ້າສະຖານທູດຈີນທີ່ຮ່າໂນ້ຍ ຊຶ່ງໄດ້ມອບສານຄັດຄ້ານການກະທຳດັ່ງກ່າວຂອງບັນດາກຳປັ່ນຂອງຈີນ.

ການກະທຳຂອງບັນດາກຳປັ່ນຂອງຈີນ ໄດ້ລະເມີດອະທິປະໄຕ, ສິດອະທິປະໄຕ ແລະ ສິດຕັດສິນຄວາມຖືກຕ້ອງຂອງຫວຽດນາມຢູ່ທະເລຕາເວັນອອກ, ອັນໄດ້ນາບຂູ່ຊີວິດອີນຊີ ແລະ ກໍ່ຄວາມເສຍຫາຍກ່ຽວກັບຊັບສິນໃຫ້ຊາວປະມົງຫວຽດນາມ. ການກະທຳດັ່ງກ່າວຂອງບັນດາກຳປັ່ນຂອງຈີນ ໄດ້ໄປຝືນກັບຂໍ້ຕົກລົງກ່ຽວກັບບັນດາຫຼັກການພື້ນຖານຊີ້ນຳແກ້ໄຂບັນຫາບົນທະເລລະຫວ່າງຫວຽດນາມ-ຈີນ, ຝືນກັບຈິດໃຈຖະແຫຼງການ DOC, ກໍ່ຄວາມສັບສົນຕໍ່ສະພາບການຢູ່ທະເລ.

ທາງຝ່າຍຫວຽດນາມສະເໜີໃຫ້ຝ່າຍຈີນ ຈົ່ງລົງໂທດບັນດາການກະທຳຂອງບັນດາກຳປັ່ນດັ່ງກ່າວ ພ້ອມທັງທົດແທນຄວາມເສຍຫາຍໃຫ້ແກ່ຊາວປະມົງຫວຽດນາມ ແລະ ບໍ່ປະໃຫ້ເກີດກໍລະນີຄືດັ່ງກ່າວອີກ.